O artigo 6 do Decreto 294/1992, do 10 de setembro, modificado polo Decreto 1/1995, do 12 de xaneiro (DOG nº 9, do 13-1-1995), polo que se regula o diploma de directivo, establece que, entre os vocais da comisión que efectúe a selección dos aspirantes que soliciten participar nos cursos para a obtención do citado diploma, figurará un profesor, representante das universidades de Galicia.

En virtude do anterior,

RESOLVO:

Primeiro.-Designar a José Vilas Nogueira como vocal da comisión que levará a cabo a selección dos participantes nos cursos IX, X, XI, XII e XIII para a obtención do diploma de directivo.

Santiago de Compostela, 18 de marzo de 1996.

Domingo Bello Janeiro

Director da Escola Galega de Administración Pública

2317