Advertidos erros na devandita orde, publicada no DOG nº 58, do 21 de marzo pasado (páxinas 2.615 e seguintes) ó non corresponde-lo texto impreso co verdadeiro salvo nos anexos, cómpre realizar novamente a súa publicación integramente:
Orde do 6 de febreiro de 1996 pola que se convocan axudas económicas para a realización de actividades de formación dirixidas ó profesorado de niveis non universitarios da Comunidade Autónoma de Galicia durante o ano 1996 e organizadas polas asociacións e fundacións legalmente constituídas que teñan nos seus estatutos como fin preferente a formación do profesorado e non teñan a consideración de movementos de renovación pedagóxica.
O Estatuto de autonomía de Galicia establece, no seu artigo 31, a súa competencia plena para o regulamento e administración do ensino en toda a súa extensión, niveis e graos, modalidades e especialidades, no ámbito das súas competencias e sen prexuízo do disposto no artigo 27 da Constitución e nas leis orgánicas que o desenvolvan.
A Lei orgánica 1/1990, de ordenación xeral do sistema educativo, dispón que as administracións educativas planificarán as actividades necesarias de formación permanente do profesorado e garantirán unha oferta diversificada e gratuíta destas actividades (artigo 56.3º).
Sendo obxectivo fundamental da Consellería de Educación e Ordenación Universitaria a formación continuada do profesorado, aglutinando para o efecto tódolos esforzos e iniciativas, é necesario potenciar e fomenta-las actividades de formación permanente do profesorado, organizadas por diferentes asociacións e fundacións pedagóxicas que tradicionalmente promoven programas de perfeccionamento na Comunidade Autónoma sobre temas galegos e que,
xunto cos directamente organizados pola Administración, contribúen á mellora continuada da cualificación profesional dos docentes e, en definitiva, á mellora da calidade da educación,
Por todo isto,
DISPOÑO:
1. Convócanse axudas económicas para a organización durante o ano 1996 de accións formativas: cursos, seminarios, congresos, reunións, conferencias, talleres e outras de análogas características que contribúan á dinamización do ensino en galego, dirixidas a profesores que imparten a súa docencia en niveis non universitarios.
2. O importe máximo total das axudas que se concedan é de 3.988.000 pesetas, con cargo ó concepto orzamentario 07.03.322I.480.0.
3. Poderán ser beneficiarias destas axudas as asociacións e fundacións pedagóxicas legalmente constituídas cando nos seus estatutos figure como fin preferente a formación do profesorado e non teñan a consideración de movementos de renovación pedagóxica, e que desenvolvan as súas actividades na Comunidade Autónoma de Galicia, e sempre que teñan xustificadas as axudas concedidas en anteriores convocatorias.
4. As asociacións e fundacións pedagóxicas interesadas deberán dirixi-las súas solicitudes, conforme o modelo que figura no anexo I, á Consellería de Educación e Ordenación Universitaria, Dirección Xeral de Ordenación Educativa e Centros, edificio San Lázaro, 15771 Santiago de Compostela, acompañadas da seguinte documentación:
A. Programa das actividades desenvolvidas ou que se van desenvolver, conforme o modelo que figura no anexo II.
B. Orzamento de cada actividade por separado, conforme o anexo IV, tendo en conta os módulos económicos que figuran no anexo III.
C. Copia compulsada dos documentos que acreditan a súa constitución legal e fotocopia compulsada dos estatutos da entidade.
D. Fotocopia da cédula ou tarxeta de identificación fiscal.
E. Documentación acreditativa da representación que ostenta o solicitante.
F. Certificación bancaria da conta corrente.
5. O prazo para a presentación de solicitudes será de trinta días naturais contados a partir do seguinte ó da publicación desta orde no Diario Oficial de Galicia.
6. As actividades (deseño, convocatoria, publicidade, desenvolvemento, certificacións, etc.) faranse en galego de acordo co Decreto 173/1982, sobre a normativización da lingua galega, e na disposición adicional da Lei 3/1983, de normalización lingüística. Irán dirixidas fundamentalmente a profesores
en activo na Comunidade Autónoma, e non deberán supera-la participación doutros colectivos o 30 por cento do total de asistentes; este extremo deberá ser reflectido na memoria presentada.
7. Financiaranse prioritariamente aquelas actividades que coincidan basicamente cos obxectivos xerais da política educativa establecidos pola Consellería de Educación e Ordenación Universitaria, especialmente os definidos no Plan Galego de Formación Continuada do Profesorado de Niveis non Universitarios e que versen sobre os seguintes temas considerados como prioritarios:
7.1. Actualización pedagóxico-didáctica:
-Orientacións teórico-prácticas para a elaboración de proxectos de centro.
-Deseño e desenvolvemento curricular. Proxectos curriculares.
-Introducción de novos elementos culturais -saúde, medio ambiente, educación para a paz, coeducación nas distintas áreas do currículo.
-Desenvolvemento de adaptacións curriculares para alumnos con necesidades educativas especiais.
-Educación de adultos e alfabetización.
7.2. Actualización científico-técnica:
-En tódolas áreas do currículo.
-Do profesorado de formación tecnolóxica, de cara á implantación das ensinanzas técnico-profesionais, nos contidos da educación tecnolóxica e das distintas familias profesionais.
7.3. Modalidades, técnicas e instrumentos de avaliación.
7.4. Xestión e organización de centros educativos.
7.5. A orientación e a titoría.
8. A contía das axudas establecerase en función do número de solicitudes e a adecuación dos proxectos ó establecido no artigo 7º da presente convocatoria e da dispoñibilidade orzamentaria, tendo en conta ademais que, sumadas a outros recursos que se obteñan, non excedan dos gastos orzados para as actividades programadas.
9. Comisión de selección. Constituirase unha comisión de selección integrada por:
-O director xeral de Ordenación Educativa e Centros.
-A subdirectora xeral de Ordenación Educativa.
-A xefa de Servicio de Formación do Profesorado.
-O xefe de Sección de Perfeccionamento do Profesorado.
-O xefe de Servicio de Plans e Programas do Ensino da Lingua Galega da Dirección Xeral de Política Lingüística.
-Un funcionario da Consellería de Educación e Ordenación Universitaria que actuará como secretario, con voz e sen voto.
10. Resolución da convocatoria. Unha vez rematado o proceso de selección, formularase a proposta de concesión de axudas ó conselleiro de Educación e Ordenación Universitaria, determinando en cada caso a contía das axudas. A orde de concesión de axudas será publicada no Diario Oficial de Galicia.
No suposto de non resolverse expresamente esta convocatoria no prazo de tres meses, e sen prexuízo da súa posterior resolución, as solicitudes entenderanse desestimadas.
11. O pagamento das axudas económicas concedidas farase nun só libramento, unha vez feita a debida xustificación, que se deberá realizar antes do 10 de outubro de 1996 para actividades celebradas ata o 30 de setembro e antes do 10 de decembro de 1996 para as actividades realizadas de outubro a decembro deste mesmo ano. Estes prazos serán improrrogables. A devandita xustificación farase de acordo coas instruccións que para o efecto dicte a Consellería de Educación e Ordenación Universitaria e que serán postas en coñecemento dos interesados coa mesma data na que se lle comunique a súa concesión.
12. O importe da axuda, tendo en conta os recursos que xere a actividade e outras subvencións ou axudas para a mesma finalidade, poderá reducirse no suposto de que, á hora de presenta-la xustificación da axuda, houbese unha diminución dos gastos realizados. Esta reducción será proporcional á diminución dos gastos orzados.
13. Obrigas dos beneficiarios. Son obrigas dos beneficiarios das axudas, conforme á Lei 11/1992, de réxime financeiro e orzamentario de Galicia, do 7 de outubro, as seguintes:
a) Comunicar á Consellería de Educación e Ordenación Universitaria a obtención de calquera outra subvención ou axuda para a mesma finalidade, procedente de calquera administración ou entes públicos ou privados nacionais ou internacionais.
b) Reintegra-la axuda ou subvención percibida e mailos xuros de demora nos supostos recollidos no artigo 78.6º da citada Lei 11/1992.
14. Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 6 de febreiro de 1996.
Juan Piñeiro Permuy
Conselleiro de Educación e Ordenación Universitaria
ANEXO II
PROXECTO
Esquema do seu contido:
1. Título:
2. Entidade organizadora:
3. Lugar de celebración.
4. Data de realización:
5. Obxectivos:
6. Programa do contido e das actividades:
7. Número de participantes:
8. Nivel/is ou modalidade/s de ensino que imparten os profesores asistentes:
9. Ámbito de actuación (local, comarcal, provincial, autonómica, nacional, internacional):
......................, .....de............de 1996
O representante legal,
(Selo)
ANEXO III
Conceptos Contía máxima
2.1. Material funxible
2.2. Publicacións e impresos
2.3. Material de paso audiovisual
2.4. Libros e material didáctico
1. Gastos de ensino
1.1. Cursos:
1.1.1. Dirección ou coordinación 1.500 pesetas/hora 1.1.2. Horas de clase 4.000 pesetas/hora
1.2. Seminarios, xornadas, simposios, escolas de verán, encontros, reunións, etc.
1.2.1. Dirección ou coordinación 1.500 pesetas/hora 1.2.2. Comunicacións 4.000 pesetas/hora 1.2.3. Relatorios ou conferencias 12.000 pesetas 1.2.4. Traballo en grupo: horas de traballo por cada membro do grupo ou seminario 1.000 pesetas/hora
1.3. Seminarios permanentes ou grupos de traballo: 1.3.1. Dirección ou coordinación 1.500 pesetas/hora 1.3.2. Horas de traballo por cada membro do grupo ou seminario 1.000 pesetas/hora
1.4. Xestión, secretaría e planificación 1.000 pesetas/hora
2. Gastos de material
Poderase xustificar en material, como máximo, o 25% da docencia.
ANEXO IV
MODELO DE ORZAMENTO
I. Ingresos
1.1 Cotas de inscriciónpesetas
1.2 Subvencións (inclúase declaración xurada):
Comunidade Autónomapesetas
Deputación depesetas
Concello depesetas
Caixa de Aforros depesetas
Outrospesetas
pesetas
pesetas
-----------
Total ingresos
II. Gastos
2.1 Gastos de ensino:
2.1.1. Dirección e coordinaciónpesetas
2.1.2. Horas de clasepesetas
2.1.3. Comunicaciónspesetas
2.1.4. Relatorios ou conferenciaspesetas
2.1.5. Horas de traballopesetas
2.1.6. Horas de xestión, secretaría e planificaciónpesetas
-----------
Total 2.1
2.2 Gastos de material:
2.2.1. Material funxiblepesetas
2.2.2. Publicacións e impresospesetas
2.2.3. Material de paso audiovisualpesetas
2.2.4. Libros e material didácticopesetas
-----------
Total 2.2
2.3 Outros gastos:
-----------
Total 2.3
-----------
Total gastos (2.1+2.2+2.3)
1895