O Pleno deste Concello, na súa sesión do 23 de decembro de 1995, aprobou inicialmente o estudio de detalle na rúa Arquitecto Gómez Román, San Miguel de Oia, (3726/411), formulado por Rosa María Siegel e redactado polo arquitecto Jaime Riera Nieves, visado polo COAG con datas do 17 e 28 de agosto de 1995.
Acordouse, así mesmo, aprobar inicialmente a delimitación dunha unidade de actuación co ámbito limitado ás parcelas incluídas no ámbito do estudio de detalle nas que non hai edificacións, e fíxase como sistema de actuación ou de compensación. O 15% poderá substituírse polo seu equivalente en metálico.
Suspéndense, ata a aprobación definitiva, as licencias de parcelación, edificación e demolición, na área abranguida por este instrumento de planeamento secundario, cos seguintes límites:
Norte: rúa Arquitecto Gómez Román.
Sur: U.A. Canabido.
Leste: propiedade de Alejandro Román Pereira.
Oeste: propiedade de Ventura González Iglesias e María Costas Beiro.
O que se somete a información pública polo prazo de quince días, coa publicación do anuncio no DOG, BOP, nun xornal dos de maior difusión e no taboleiro de edictos da casa do concello, ademais das notificacións personais ós interesados.
A documentación do expediente está ó dispor dos interesados na oficina municipal de información urbanística, podéndose presentar alegacións desde a primeira publicación deste anuncio ata o fin do prazo de exposición, logo do derradeiro anuncio.
Vigo, 22 de xaneiro de 1996.
Manuel Pérez Álvarez
Alcalde
1308