A Consellería de Industria e Comercio convoca o seguinte concurso polo procedemento aberto:
Obxecto: realización de traballos específicos e concretos consistente no seguimento e desenvolvemento do programa naval da Consellería de Industria e Comercio.
Orzamento: dezaseis millóns de pesetas (16.000.000 de ptas.) dos que 8.000.000 de ptas. serán con cargo ó orzamento de gastos da Comunidade Autónoma para 1996 e os 8.000.000 de ptas. restantes serano con cargo ó orzamento de gastos do exercicio de 1997.
Documentos de interese para os licitadores: os pregos de prescricións técnicas e de cláusulas administrativas particulares estarán de manifesto e á disposición dos interesados para o seu exame, durante o prazo de presentación de proposicións, en días e horas hábiles de oficina, na Secretaría Xeral da Consellería de Industria e Comercio da Xunta de Galicia, sita en San Caetano, edificio administrativo nº 5-4º piso, Santiago de Compostela.
Presentación de ofertas: as ofertas dirixiranse en calquera dos modos previstos no artigo 100 do Regulamento xeral de contratos do Estado á Secretaría Xeral da Consellería de Industria e Comercio, no prazo de vinteseis días naturais, contados desde o día seguinte ó da publicación deste anuncio no Diario Oficial de Galicia.
Apertura de pregos: a apertura de pregos terá lugar na Consellería de Industria e Comercio, ás once horas do décimo primeiro día seguinte ó da finalización do prazo de presentación de proposicións; se este fose inhábil, posporase ó primeiro día hábil seguinte. Se o día da apertura de proposicións caera en sábado, posporase ata o luns seguinte.
Documentos que deben presenta-los licitadores: os indicados na cláusula 7ª do prego de cláusulas administrativas particulares.
Garantía provisional: nesta contratación queda dispensada a prestación da garantía provisional, ó abeiro do disposto no artigo 36.2º da Lei 13/1995, do 18 de maio, de contratos das administracións públicas, por ser de contía inferior a 27.266.208 pesetas.
Prazo de execución: será desde o día seguinte ó da sinatura do contrato ata o 10 de decembro de 1997.
O importe deste anuncio correrá por conta do adxudicatario.
Santiago de Compostela, 19 de febreiro de 1996.
P.D. (O 18-5-1994, DOG 100)
Manuel Barreiro Barbeito
Secretario xeral da Consellería de Industria e Comercio
1412