De conformidade co disposto estatutariamente, e por acordo do Consello de Administración, convócase asemblea xeral ordinaria da Caixa de Aforros Provincial de Pontevedra para o día vinteún de marzo de mil novecentos noventa e seis, que se celebrará no auditorio, situado no edificio social da entidade, dito na rúa Augusto González Besada, 2 e 4 de Pontevedra (acceso polo polígono de Campolongo), ás dezaoito horas na primeira convocatoria, e, de non reunirse o quórum necesario, en segunda convocatoria no mesmo día e en igual lugar ás dezaoito trinta horas, para trata-los asuntos comprendidos na seguinte orde do día:
1.-Confección da relación de asistentes para a determinación do quórum e subseguinte constitución válida da asemblea.
2.-Apertura da reunión pola Presidencia.
3.-Exame e aprobación, se é o caso, do informe da xestión do Consello de Administración, memoria, balance anual e conta de resultados do exercicio 1995, así como da proposta de aplicación destes ós fins da entidade. Informe de auditores.
4.-Aprobación, se procede, da xestión da comisión delegada de obras sociais perante o exercicio de 1995, así como do orzamento para 1996.
5.-Informe da comisión de control acerda da súa actuación en 1995.
6.-Emisión de cotas participativas, obrigas subordinadas, cédulas hipotecarias, bonos de tesourería ou calquera outro título financeiro de renda fixa.
7.-Informe sobre a aplicación da reforma do artigo 32 dos estatutos acordada en asemblea de data 8-6-1995.
8.-Cesamento de conselleiros e a súa substitución polos suplentes correspondentes.
9.-Rogos e preguntas.
10.-Acordo sobre aprobación da acta da sesión.
Con quince días de antelación á data da asemblea, os conselleiros xerais terán á súa disposición, na Secretaría Técnica da entidade, toda a documentación necesaria para a análise dos puntos que contén a orde do día establecida.
Pontevedra, 20 de febreiro de 1996.
Manuel Campos Villarino
Presidente do Consello de Administración
Números de teléfono do Diario Oficial de Galicia
Teléfonos: 544268 - 544270
Fax: 544272 - 544273
