Convocada a provisión, polo sistema de libre designación de varios postos de traballo vacantes na Consellería de Economía e Facenda, por Orde do 3 de xullo de 1995 (DOG nº 134, do 13 de xullo de 1995), e resolta parcialmente por Orde do 3 de xaneiro de 1996 (DOG nº 12, do 17 de xaneiro) e corrección de erros publicada no DOG nº 22, do 31 de xaneiro, en uso das facultades e atribucións conferidas pola Lei 4/1988, do 26 de maio, da función pública de Galicia, no seu artigo 15.4º e de conformidade co disposto no artigo 27 da referida lei, modificado polo artigo 6 da Lei 3/1995, do 10 de abril; visto o Decreto 93/1991, do 20 de marzo e demais normativa vixente, esta consellería,

DISPÓN:

Primeiro.-nomea-ló funcionario que se cita no anexo desta orde para ocupa-lo posto que así mesmo se sinala, unha vez cumpridos os trámites previos, precisos para o seu traslado á Comunidade Autónoma, de conformidade co sinalado no apartado quinto da convocatoria.

Segundo.-O funcionario deberá tomar posesión nos prazos sinalados no artigo 14 do Decreto 93/1991, do 20 de marzo, tralo seu cesamento, que se fará segundo o regulado na normativa vixente da Administración da que dependa o posto que o interesado ten adxudicado con carácter definitivo.

Terceiro.-A xefatura de persoal do centro onde cause alta o funcionario efectuará, dentro dos prazos sinalados anteriormente, a dilixencia de toma de posesión e seguidamente serán realizados os trámites para a súa alta en nómina.

Das dilixencias efectuadas serán remitidas copias á Dirección Xeral da Función Pública e á Inspección Xeral de Servicios.

Cuarto.-Contra esta orde, que esgota a vía administrativa, poderase interpoñer recurso contencioso-administrativo ante o Tribunal Superior de Xusticia de Galicia no prazo de dous meses contados a partir do día seguinte ó da súa publicación no Diario Oficial de Galicia, logo de comunicación a esta consellería da vontade de interpoñerelo.

Santiago de Compostela, 14 de febreiro de 1996.

P.D. (Orde do 13-12-1993)

Emilio Álvarez Rey

Secretario xeral e do Patrimonio

ANEXO

N.R.P.: 3592956357 A0606.

Grupo: A.

Apelidos e nome: Blanco Fernández, J. Luis.

Denominación do posto: X. Servicio de estatística na Consellería de Pesca, Marisqueo e Acuicultura.

Nivel: 28A.

Complemento E.: 1.639.104.

Código posto: EFA010000515770001.

Centro directivo: I.G.E.

Localidade: Santiago de Compostela.

1262