Conforme ás funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, anúnciase a convocatoria das actividades que figuran no anexo I, que deberán desenvolverse conforme ás seguintes bases:
Primeira.-Solicitudes.
1. O persoal que desexe participar nestas actividades deberá presentar, cuberta en tódolos epígrafes que lles corresponda, a instancia e o currículo segundo o modelo anexo II.
2. A falsidade ou ocultación de datos esenciais para a selección dos aspirantes dará lugar á exclusión automática da actividade e á imposibilidade de participar en ningún outra actividade neste ano.
3. O prazo de presentación de instancias será o que se sinala para cada actividade no anexo I.
4. A correspondente documentación dirixirase á EGAP, rúa de Madrid, nº 2-4 (polígono das Fontiñas), 15703 Santiago de Compostela, e presentarase no rexistro da EGAP, das delegacións provinciais da Consellería da Presidencia e Administración Pública ou en calquera das oficinas previstas no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
Segunda.-Acceso ás actividades.
1. Poderá participa-lo persoal que cumpra os requisitos específicos esixidos para cada actividade. Nas actividades que se celebren en distintas localidades terá preferencia o persoal dos servicios respectivos.
2. A lista dos seleccionados publicarase no taboleiro de anuncios da EGAP.
Terceira.-Certificacións de participación.
1. É obrigatoria a asistencia a tódalas sesións das actividades. Toda inasistencia á clase deberá ser xustificada debidamente polo interesado, sen exceder do 15% das horas lectivas programadas para a actividade unha inasistencia superior ó 20%, aínda que sexa xustificada, impedirá a expedición do certificado.
2. Para coñecemento e constancia no seu expediente, o interesado deberá facilitarlles unha copia ós servicios de persoal do seu centro directivo.
Cuarta.-Modificacións.
A EGAP poderá modifica-lo desenvolvemento e os contidos das actividades anunciadas para adaptalas ás necesidades da Administración e ás continxencias que poidan xurdir.
Santiago de Compostela, 24 de xaneiro de 1996.
Jaime Rodríguez-Arana Muñoz
Director da Escola Galega de Administración Pública
ANEXO I
CURSOS DE ÉTICA PÚBLICA E DEREITOS FUNDAMENTAIS
1. Obxectivos.
Situa-lo administrador-funcionario no escenario do noso tempo; afondar na responsabilidade do servicio que presta no seno da sociedade; describi-las novas demandas e ofertas sociais e formula-lo o desenvolvemento activo e pasivo dos dereitos e deberes dos funcionarios e dos cidadáns.
2. Destinatarios.
Persoal ó servicio da Administración autonómica.
3. Criterios de selección.
Os criterios selectivos a ter en conta serán os que se fan públicos no apartado A) do anexo á resolución do 27-6-1994 (DOG nº 149, do 3-8-1994).
4. Desenvolvemento.
4.1. Duración: 25 horas.
4.2. Horarios: de 17 a 20 horas.
4.3. Prazas: limitadas.
4.4. Lugares, datas e fin do prazo de presentación de instancias.
LugaresFechasFin del plazo
Ferrolmarzo 22-2-96
Pontevedraabril 26-2-96
Santiagomaio 26-2-96
Lugoxuño 26-2-96
Ourensesetembro 6-5-96
Vigooutubro 3-6-96
A Coruñanovembro 3-6-96
5. Contido básico.
Ética. A modernización. A organización social. A Administración pública. Os dereitos e os deberes.
CURSO DE INGLÉS ELEMENTAL
1. Obxectivos.
Proporcionar uns coñecementos básicos da lingua inglesa.
2. Destinatarios.
Persoal de Administración dos diferentes grupos das administracións autonómica, local, universitaria, parlamentaria e do Consello de Contas. Para a selección terase en conta en primeiro lugar a utilidade do idioma para o traballo do solicitante, circunstancia que se acreditará presentando certificación do superior xerárquico das tarefas do posto de traballo para as que é imprescindible coñecemento do idioma solicitado.
3. Desenvolvemento do curso:
3.1. Duración: 120 horas, distribuídas en dúas sesións por semana (martes e xoves) de dúas horas cada día.
3.2. Lugar: EGAP. Santiago de Compostela.
3.3. Datas: de febreiro a novembro de 1996.
3.4. Horarios: de 17 h. a 19 h.
3.5. Prazas: 7 como mínimo e 20 como máximo, das que 11 serán para a Administración autonómica, 4 para a local, 2 para a universitaria, 2 para a do Parlamento e 1 para o Consello de Contas. En caso de reiterada inasistencia a clase, de falta de nivel ou rendemento adecuado para segui-lo curso, poderá
darse de baixa a un alumno para ocupa-la praza por outro que reúna as condicións esixidas de nivel, etc.
4. Contido.
Vocabulario. Pronunciación. Estructuras gramaticais. Comprensión básica. Formular e contestar preguntas. Análise de situacións concretas da vida corrente.
5. Prazo.
O prazo de presentación de instancias será de 20 días contados desde o seguinte ó da publicación desta resolución no DOG.
CURSO DE INGLÉS MEDIO
1. Obxectivos
Consolida-los coñecementos do inglés básico e proporcionar uns coñecementos da lingua inglesa a un nivel medio que permitan establecer contactos esporádicos na lingua estranxeira e conseguir unha comunicación e comprensión con certo grao de eficiencia.
2. Destinatarios.
Persoal de Administración dos diferentes grupos das administracións autonómica, local, universitaria, parlamentaria e Consello de Contas. Absteranse de solicitalo os participantes na edición anterior destes cursos. A selección dos participantes efectuarase logo das probas escrita ou oral de nivel que permitan formar un grupo homoxéneo para o axeitado desenvolvemento do curso. A proba escrita terá lugar na EGAP o xoves seguinte ó día da finalización do prazo de presentación de instancias, ás 19 horas.
3. Desenvolvemento do curso.
3.1. Duración: 120 horas, distribuídas en dous sesións por semana (martes e xoves) de dúas horas cada día.
3.2. Lugar: EGAP. Santiago de Compostela.
3.3. Datas: de febreiro a novembro de 1996.
3.4. Horarios: de 19 h. a 21 h.
3.5. Prazas: 7 como mínimo e 20 como máximo, nunha proporción similar á establecida no curso elemental, sempre que reúnan os requisitos de nivel medio resultantes das probas escritas e orais.
4. Contido.
Solicitar ou dar información. Expresión e comprensión de pensamento obxectivo e subxectivo. Persuasión. Usos sociais da lingua. Descrición. Emprego de estructuras temporais.
5. Prazo.
O prazo de presentación de instancias será de 20 días contados desde o seguinte ó da publicación desta resolución no DOG.
96-536
