I. Obxecto e orzamento: contratación dunha asistencia para o desenvolvemento de campañas informativas nos medios radiofónicos da Comunidade Autónoma galega por un importe máximo de 96.000.000 de ptas., IVE engadido.
II. Solvencia económica e financeira: non se esixe.
III. Solvencia técnica: non se esixe.
IV. Prazo de execución: ver apartado 2 da folla de especificacións do prego de cláusulas administrativas particulares.
V. Documentos de interese para os licitadores: o prego de cláusulas administrativas particulares e demais documentación complementaria pódese solicitar na Dirección Xeral de Recursos Humanos, edificio administrativo San Lázaro, Santiago de Compostela, en días laborais desde as 9 ata as 14 horas.
VI. Fianzas: o 2% do orzamento de licitación, que se constituirá segundo o disposto no artigo 36 da Lei de contratos das administracións públicas.
VII. Clasificación: a sinalada no apartado 8 da folla de especificacións do prego de cláusulas administrativas.(G:III; SG:3; Catg.:C)
VIII. Admisión de variantes: non se admiten.
IX. Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no registro xeral da consellería/Sergas, antes das 14 horas do vixésimo sexto día natural, contado a partir do seguinte ó da publicación desta resolución no DOG, ou por correo na forma indicada no punto 9 do prego de cláusulas administrativas.
X. Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas da consellería, ás 10 horas do décimo primeiro día natural, contado a partir do seguinte a aquel no que remate o prazo de presentación de ofertas; no caso de que devandito día coincida en sábado ou festivo, a apertura das proposicións terá lugar o seguinte día hábil.
XI. Documentación que deberán aporta-los licitadores: os documentos que figuran no prego de cláusulas administrativas particulares.
XII. Anuncios: os anuncios do presente concurso público serán por conta do adxudicatario do contrato.
Santiago de Compostela, 26 de decembro de 1995.
P.S. (Orde C.15-12-1995)
Alberto Nuñez Feijoo
Secretario xeral do Servicio Galego de Saude
8356
