O Instituto Galego da Vivenda e Solo, con data do 10 de decembro de 1992, asinou un convenio co Concello de Padrón para a creación dun parque empresarial no dito municipio.

A Comisión Provincial de Urbanismo da Coruña, en sesión celebrada o día 1 de xullo de 1994 aprobou definitivamente o Plan Parcial do Parque Empresarial de Padrón, o que implica, de conformidade con Art. 132 do Texto refundido da Lei sobre réxime do solo e ordenación urbana, aprobado por Real decreto lexislativo 1/1992, do 26 de xuño, a declaración de utilidade pública das obras e a necesidade de ocupación dos terreos e edificios correspondentes ós fins da expropiación.

O artigo 218 do Real decreto lexislativo 1/1992, do 26 de xuño, permite á Administración actuante aplicar en tódalas expropiacións urbanísticas o procedemento de taxación conxunta regulado nos Arts. 219 e seguintes de dito texto legal e nos artigos 202 e seguintes do Regulamento de xestión urbanística.

De conformidade co previsto nos artigos 219 e seguintes do Real decreto lexislativo 1/1992, do 26 de xuño, polo que se aproba o Texto refundido da Lei sobre réxime do solo e ordenación urbana, sométese a información pública o expediente de expropiación dos bens e dereitos que se precisan ocupar para a execución do parque empresarial de Padrón.

O expediente estará exposto nas oficinas da Sociedade Xestión Urbanística da Coruña, S.A. (XESTUR-A CORUÑA) sita na R/ Ronda de Nelle 12 bis- 1º polo termo dun mes, a partir da publicación desta resolución no Diario Oficial de Galicia.

Durante o citado prazo, todas aquelas persoas ou entidades que se consideren afectadas poderán presentar as alegacións que coiden oportunas, por tri

plicado exemplar, no Rexistro da Xefatura da Área Provincial do Instituto Galego da Vivenda e Solo, sito no edificio administrativo Monelos, r/ Salvador de Madariaga s/n A Coruña.

Santiago de Compostela, 12 de decembro de 1995.

José Antonio Redondo López

Director xeral do Instituto Galego da Vivenda e Solo

Relación de titulares afectados

8305