Perante este Xurado Provincial de Montes Veciñais en Man Común tramítase expediente número 327 de clasificación do monte que ten as características que se indican a continuación:

Denominación: monte de Serráns.

Comunidade: lugar de Serráns.

Parroquia: Mazaricos.

Concello: Mazaricos.

Superficie: 33 ha.

Lindeiros:

É parte do monte Aro, nº 103-B do CUP.

Norte: con monte de Mazaricos, seguindo unha liña recta de 190 m que vai do piquete nº 66 ata o 27, no cruzamento de Cabalo Morto.

Leste: co monte público Santa Mariña, da parroquia de Maroñas, desde o piquete nº 27 ata o 33 seguindo a orde de piquetes, deste último segue 143 m na dirección sur pola liña de deslinde ata chegar á Pedra da Leira.

Sur: con monte de Insua, por unha liña recta de 230 m trazada desde a Pedra da Leira ata o piquete 53. Con propiedades particulares do lugar de Serráns desde o piquete nº 53 ó 54 e 55.

Oeste: con propiedades particulares do lugar de Serráns, desde o piquete nº 55 ó 66 seguindo a orde de piquetes.

En virtude do acordado polo xurado, e en cumprimento da orde do instructor, do 25 de outubro de 1995, conforme o disposto na Lei de montes veciñais en man común e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesados, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.

A Coruña, 25 de outubro de 1995.

Manuel Puente Araújo

Secretario do Xurado Provincial de Montes Veciñais en Man Común da Coruña

7955