Pola resolución do director da EGAP do día 3 de novembro do ano actual, aprobouse promover expediente para a contratación, polo sistema de concurso aberto, dun servicio de consultoría e asistencia técnica para a elaboración e impartición do II curso superior teórico-práctico de xestión medio ambiental, e de acordo coa normativa vixente faise pública a correspondente licitación, segundo o seguinte resumo:
Obxecto: elaboración do contido do programa, impartición das correspondentes clases, subministración do respectivo material didáctico e outros, referentes ó II curso superior teórico-práctico sobre xestión medio ambiental.
Tipo de licitación: seis millóns de pesetas, á baixa.
Prazo de execución: cinco meses, a partir da data de iniciación do curso, que será determinada pola EGAP.
Garantías: a fianza provisional será de cento vinte mil pesetas, e a definitiva equivalerá ó 4% do importe da adxudicación.
Prazo e lugar de presentación de proposicións: as proposicións, en modelo oficial, presentaranse en sobres pechados, que poderán estar lacrados, e entregaranse no rexistro xeral da Xunta de Galicia ou no da Escola Galega de Administración Pública, en horas de oficina, durante o prazo de vinteseis días naturais contados desde o seguinte da publicación deste anuncio no DOG.
Exame do expediente: na Xefatura de Estudios da EGAP (Polígono das Fontiñas - rúa de Madrid 2-4, en Santiago de Compostela), de 8.30 a 14.30 horas, de luns a venres, en días laborais.
Santiago de Compostela, 6 de novembro de 1995.
Jaime Rodríguez-Arana Muñoz
Director da Escola Galega de Administración Pública
7448