En cumprimento do disposto nos artigos 52 da Lei de expropiación forzosa do 16 de decembro de 1954, e consecuentes do seu Regulamento do 26 de abril de 1957, declarada a urxente ocupación por Decreto 259/1995, do 29 de setembro, (Diario Oficial de Galicia con data 13 de outubro de 1995), para expropiación forzosa e imposición de servidumes de paso sobre bens e dereitos afectados polas instalacións da liña eléctrica a 20 kV desde a subestación de Cesuras a enlace coa liña Curtis-Illana, nos concellos de Cesuras e Curtis, das que é propietaria e beneficiaria deste procedemento expropiatorio a entidade Unión Eléctrica-Fenosa, S.A., con domicilio na r/ Fernando Macías, nº 2, 15004 A Coruña; faise saber a tódolos interesados propostos neste expediente, ós que se lles practicará notificación para o efecto, que o representante da Administración procederá nos días 13 e 14 de decembro de 1995, ó levantamento sobre o terreo das actas previas á ocupación dos predios afectados polas ditas

instalacións.

A relación dos predios afectados para os que se segue este proceso expropiatorio, foi publicada no BOP da Coruña con data 22 de maio de 1995. Exclúense os predios con mutuo acordo que fose notificado no expediente.

Advírteselles ós interesados que no día e hora sinalados para o levantamento das actas, poderán facerse acompañar dos seus peritos e dun notario, á súa custa, e formular por escrito ante esta delegación ata aquel momento, as alegacións para os únicos efectos de remediar posibles erros padecidos ó relaciona-los bens afectados.

A Coruña, 31 de outubro de 1995.

Juan Ignacio Lizaur Otero

Delegado provincial da Coruña

95-7494