I. Obxecto.

A realización de traballos de auditoría dos sistemas e aplicación informática que actualmente mantén en explotación o Concello de Vigo, todo iso de acordo co disposto no prego de condicións aprobado pola Comisión de Goberno do 27 de outubro de 1995.

A forma de adxudicación do contrato será o concurso aberto.

II. Prazo de licitación.

O prazo de execución da obra será de 60 días hábiles contados a partir da formalizaicón do contrato en documento administrativo.

III. Tipo de licitación.

O tipo de licitación fíxase en 8.120.000 ptas (IVE incluído).

IV. Fianzas.

Dispénsase a presentación da fianza provisional de acordo co disposto no Art. 36.2º da Lei de contratos das administración públicas. A fianza definitiva fíxase en 312.800 ptas.

V. Solvencia económica, financeira e técnica.

Os licitadores terán que acredita-la solvencia económica, financeira e técnica en calquera das formas previstas nos artigos 16 e 19 da Lei de contratos das administracións públicas.

VI. Prazo de presentación de proposicións.

As proposicións presentaranse en sobre pechado no rexistro xeral do Concello de Vigo, das 9 as 13 horas, dentro dos vinteseis días naturais seguintes ó da publicación do anuncio do concurso no Diario Oficial de Galicia, acompañadas da documentación esixida no prego de condicións.

VII. Apertura de plicas.

A apertura de plicas terá lugar ás doce horas do primeiro martes seguinte ó día en que remate o prazo de presentación de proposicións, na Casa do Concello. Se coincidise en día non hábil o de apertura de proposicións ou se por causas de forza maior esta non se celebrase, a apertura terá lugar o primeiro día hábil seguinte.

VIII. Criterios de adxudicación.

Serán os fixados na cláusula 6 do prego de condicións administrativas.

XIX. Modelo de proposición.

D/Dona......., con DNI número ......, expedido en ......, actuando en nome propio (ou en representación de ......), informado/a do concurso convocado polo Concello de Vigo para a contratación de auditoría informática, segundo anuncio publicado no Diario Oficial de Galicia nº.... de data ...., fai constar:

a) Acepta integramente o prego de condicións que rexe a presente contratación que manifesta coñecer.

b) Achega a documentación técnica e administrativa esixida no prego de condicións.

c) Propón como prazo de execución do concurso o de .... ptas.

d) Fixa o prazo de execución do contrato en ...... días hábiles.

Vigo, 31 de outubro de 1995.

Manuel Pérez Álvarez

Alcalde de Vigo

7246