Obxecto.
Será obxecto deste contrato a prestación á Administración da Comunidade Autónoma de Galicia dos servicios de mediación e asesoramento profesional preparatorios da formalización de contratos de seguros e reaseguros privados, así como a posterior asistencia ó tomador do seguro, ó asegurado ou ó beneficiario do seguro.
Os servicios descritos refírense ós seguintes grupos de riscos:
I: Riscos patrimoniais (continente e contido) de tódolos bens inmobles e mobles que integran o patrimonio da Comunidade Autónoma de Galicia, coa excepción dos inmobles en alugueiro, así como de todos aqueles en que ostente a posesión por calquera título.
II: Riscos derivados de responsabilidade civil en que poida incorre-la Administración da Comunidade Autónoma de Galicia e os seus organismos autónomos, xa sexa en razón dos seus bens, pola súa actividade o por calquera outra circunstancia relevante.
III: Riscos persoais referidos a accidentes e vida.
Dos tres anteriores quedan excluídos os riscos correspondentes ó lote IV.
IV: Riscos patrimoniais, persoais e de responsabilidade civil derivados do uso de vehículos de motor (automóbiles, embarcacións, etc).
Prazo.
O prazo máximo será de dous anos, contados a partir da data da sinatura do contrato.
Fianza.
Fianza provisional polo importe de 1.640.000 pesetas e fianza definitiva polo importe de 3.280.000 pesetas.
Condicións dos licitadores.
a) Persoas físicas, corredores de seguros que, posuíndo a correspondente titulación profesional, realicen a actividade mercantil de mediación en seguros privados sen manteren vínculos que supoñan afección con entidades aseguradoras con perda de independencia respecto a estas, e ofrecendo asesoramento profesional imparcial a quen demande a cobertura dos riscos que poidan afectarlles.
b) Sociedades mercantís nas que os seus estatutos recollan dentro do seu obxecto social a realización de actividades de corretaxe de seguros, con sometemento á lexislación específica de mediación de seguros privados.
Exposición de plegos de cláusulas.
Poderán ser examinados nas dependencias da Secretaría Xeral Técnica e do Patrimonio, Subdirección Xeral do Patrimonio, da Consellería de Economía e Facenda, edificio administrativo de San Caetano, Santiago de Compostela, durante o período de presentación de proposicións, todolos días laborables, excepto sábados, das 9 as 14 horas.
Lugar e prazo de proposicións.
As proposicións presentaranse xunto co resto da documentación esixida polo plego de cláusulas administrativas particulares no rexistro xeral da Consellería de Economía e Facenda, de 9 a 14 horas, todolos días laborables, excepto sábados.
O prazo de presentación de proposicións, que comezará o día seguinte ó da publicación da presente resolución de convocatoria do concurso no Diario Oficial de Galicia, rematará transcorridos 52 días naturais.
Apertura de proposicións.
O acto de apertura de proposicións terá lugar nas dependencias da Secretaría Xeral e do Patrimono ás 10 horas do terceiro día seguinte ó de finalización do prazo de presentación.
Aboamento dos anuncios.
Será por conta do adxudicatario ou adxudicatarios que deberán xustifica-lo seu abonamento antes da sinatura do contrato.
Santiago de Compostela, 30 de outubro de 1995.
Emilio Álvarez Rey
Secretario xeral e do Patrimonio da Consellería de Economía e Facenda
95-6981