Ó amparo do establecido no regulamento de execución da Lei de ordenación dos transportes terrestres, aprobado polo Real decreto 1211/1990, do 28 de setembro, iníciase expediente de modificación concesional (segregación de tráficos) e transmisión da concesión do servicio público regular permanente de uso xeral de viaxeiros por estrada: V-1078; XG-061, entre Vilalba e Adai, con anexos, da titularidade de José Abeledo Rodríguez.
Os interesados ou afectados no expediente poderán comparecer no procedemento e, tralo exame da documentación pertinente, efectua-las observacións que estimen oportunas no prazo de quince días, contados a partir do día seguinte ó da publicación deste anuncio no Diario Oficial de Galicia.
O exame da documentación do expediente poderá realizarse nas oficinas do Servicio Provincial de Transportes de Lugo (Estación de Autobuses). A presentación de alegacións deberá efectuarse ante ese mesmo órgano administrativo.
Santiago de Compostela, 30 de outubro de 1995.
Juan Carlos Villarino Tejada
Director xeral de Transportes
7148