Aprobado tecnicamente, por resolución da Dirección Xeral de Obras Públicas do 17 de outubro de 1995, do anteproxecto da presa de Caldas de Reis no río Umia, clave OH.136.306; sométese o citado anteproxecto ó trámite de información pública durante un período de trinta días hábiles, a partir da publicación deste anuncio no Boletín Oficial del Estado, co fin de que, aqueles que o estimen oportuno, poidan formular por escrito ante a Subdirección Xeral de Infraestructuras Hidráulicas da Dirección Xeral de Obras Públicas da Consellería de Política Territorial, Obras Públicas e Vivenda, as observacións que crean convenientes.
O que se fai público para os efectos do previsto na Lei de expropiación forzosa e no Decreto 442/1990, do 13 de setembro, de avaliación do impacto ambiental para Galicia.
Santiago de Compostela, 27 de outubro de 1995.
Emilio García Gallego
Director xeral de Obras Públicas
9506977