O artigo 10.1º da Lei 3/1985, do 12 de abril, do patrimonio da Comunidade Autónoma de Galicia, sinala que cando os bens e dereitos non fosen necesarios para o cumprimento dos fins determinantes da súa afectación, cesará a súa natureza demanial e adquirirán a condición de patrimoniais, sen perxuizo, se é o caso, do dereito de reversión nos termos da lexislación de expropiación forzosa, respecto daqueles bens adquiridos por este título.
O apartado segundo do antedito artigo establece que a desafectación dos bens de dominio público da Comunidade Autónoma deberá facerse mediante acordo do Consello da Xunta, prevía instrucción do expediente pola Consellería de Economía e Facenda, instancia da consellería interesada, e sempre que se acredite a desaparición das causas xustificativas da afectación.
A Delegación Provincial de Ourense da Consellería de Política Territorial Obras Públicas e Vivenda solicitou a desafectación de 150 m dun terreo ocupado pola estrada OR.411 de Bande a Condado, tramo Cortegada-Pontebarxas (Ourense), xustificando esta nas obras de acondicionamento da estrada OR.411, que motivou o desprazamento desta carretera, deixando fóra de servicio un tramo dela.
Por todo isto, de conformidade coa proposta da Consellería de Economía e Facenda e logo da deliberación do Consello da Xunta de Galicia, na súa reunión do día trece de outubro de mil novecentos noventa e cinco,
DISPOÑO:
Artigo 1º
Desaféctase do dominio Público 150 m dun terreo ocupado pola estrada OR. 411 de Bande a Condado, tramo Cortegada-Pontebarxas (Ourense).
Artigo 2º
O inmoble anteriormente descrito adquire natureza patrimonial.
Santiago de Compostela, trece de outubro de mil novecentos noventa e cinco.
Manuel Fraga Iribarne
Presidente
José Antonio Orza Fernández
Conselleiro de Economía e Facenda
6852