Exponse o público durante o prazo de oito días hábiles que determina o Art. 122 do Real decreto lexislativo 781/1986, do 18 de abril, o prego de cláusulas administrativas particulares regulador da poxa con procedemento aberto para a execución das obras comprendidas no proxecto de reposición de pavimento na cidade con baldosa hidráulica.
Simultaneamente, e para o caso de que non se presenten reclamacións contra el, anúnciase a licitación, conforme as seguintes condicións:
Obxecto: execución das obras comprendidas no proxecto de reposición de pavimento na cidade con baldosa hidráulica. (Ref. 095/95).
Orzamento: 9.000.208 ptas. (IVE incluído).
Garantías: provisional: 180.004 ptas.; definitiva: 4% do orzamento.
Modelo de proposición: as proposicións económicas axustaranse ó seguinte modelo:
«D./Dona...., veciño/a de...., con enderezo en...., provisto/a de DNI nº...., en representación de...., con enderezo en.... (ou en nome propio), informado/a do anuncio de poxa para a contratación das obras comprendidas no proxecto de reposición de pavimento na cidade con baldosa hidráulica e dos pregos de condicións que o regulan, que acepto integramente e me comprometo a acatar, formulo proposición optando á adxudicación polos prezos unitarios seguintes ... pesetas (IVE incluído).
En proba de aceptación de tales compromisos deixo asegurada esta proposición co depósito previo esixido, como xustifico co resgardo adxunto.
Data e sinatura do propoñente».
Presentación de proposicións: presentaranse en dous sobres pechados no rexistro xeral de entrada deste concello, en man ou por correo, no prazo de vinteseis días naturais contados a partir do seguinte ó da publicación do anuncio de licitación no Diario Oficial de Galicia, en horas de nove a trece. En caso de resultar sábado o día de finalización do prazo, quedará este
automaticamente prorrogado ó día hábil seguinte.
Nos anversos dos sobres consignarase: «Proposición que presenta.... para optar á poxa para a contratación das obras comprendidas no proxecto de reposición de pavimento na cidade con baldosa hidráulica.».
Prego de condicións: poderán ser examinados e retirada copia na Unidade de Obras e Concesións, 2ª planta do Pazo Municipal, praza de María Pita, nº 1, 15001 A Coruña.
A Coruña, 10 de outubro de 1995.
O alcalde
Rubricado
6831