O Real decreto do 19 de xuño de 1981, Boletín Oficial del Estado do 10 de agosto de 1991, declarou ben de interese cultural con categoría de monumento histórico artístico o templo parroquial de San Pedro Fiz de Hospital, concello do Incio, Lugo.
Sendo a devandita declaración anterior á entrada en vigor da Lei 16/1985, do 25 de xuño, do patrimonio histórico español, cómpre na actualidade concreta-la delimitación do seu contorno.
En consecuencia, e vistos os informes dos servicios técnicos e órganos consultivos, favorables á incoación do expediente para a declaración da delimitación do contorno do templo parroquial de San Pedro Fiz de Hospital, concello do Incio, Lugo, esta dirección xeral,
RESOLVE:
Primeiro.-Ter por incoado expediente para a declaración da delimitación do contorno do templo parroquial de San Pedro Fiz de Hospital, O Incio, Lugo.
Protexer este monumento e a zona afectada pola incoación, a delimitación do cal é a seguinte:
O punto 1 da liña de delimitación do contorno da igrexa de San Pedro Fiz de Hospital queda definida no eixo das estradas Cruz do Incio-Ferrería e A Pobra de Brollón-Hospital.
Continúa polo eixo da estrada á Pobra de Brollón ata o punto 2 , situado no dito eixo da estrada á altura do linde noroeste da parcela catastral 126 (onde se atopa o cemiterio). A liña percorre os lindes desta parcela ata volver a saír á estrada que vai á Pobra, onde se sitúa o punto 3.
Discorre a partir deste punto, atravesando a estrada, polo eixo dun camiño de terra ata o punto 4, a partir do cal continúa polo linde oeste da parcela catastral 7(p-52) ata atopar, cara ó sur, un camiño que segue
en dirección nordeste ata o punto 5 onde se desvía, por outro eixo do camiño, en dirección oeste ata o punto 6, no dito eixo, a partir do cal empeza a discorrer polos lindes sur das parcelas catastrais 30, 33, 5 e 19 onde se atopa o punto 7, no camiño que conduce á estrada da Ferrería.
No encontro dos eixos do camiño e da estrada citados atópase o punto 8.
A partir deste, continúa, despois de atravesa-la estrada, polos lindes leste das parcelas catastrais 2-g, 2-d, e 2-f-(p-46), onde se fixa o punto 9.
A partir deste percorre o eixo dun camiño en dirección norte, ó chegar á canle dun regato, o camiño cambia de dirección cara ó sur, onde se atopa o punto 10 á altura da parcela 334 (p-46) segue en dirección norte polos lindes noroeste das parcelas catastrais 334 e 333 (p-46) ata o punto 11 situado no eixo dun camiño que en dirección sur conduce ata o lugar de Hospital, punto 12 da liña de delimitación.
Bordeando todo o núcleo de poboación atópase o punto 13 situado no cruzamento do acceso ó dito núcleo coa estrada O Incio-Ferrería.
Segundo.-Segui-la tramitación do expediente segundo as disposicións vixentes.
Terceiro.-Dar traslado da resolución ó alcalde do Incio, Lugo, e notificarlle que o outorgamento das novas licencias de obras e a execución das xa concedidas antes de incoarse o expediente, precisarán resolución favorable da Dirección Xeral do Patrimonio Histórico e Documental.
Cuarto.-Notifica-la presente resolución ó bispado de Lugo, ó Rexistro de Bens de Interese Cultural do Ministerio de Cultura, e o Rexistro de Bens de Interés Cultural de Galicia.
Quinto.-Que a presente resolución sexa publicada no Diario Oficial de Galicia e no Boletín Oficial del Estado, abríndose un período de información pública de 10 días hábiles, contados a partir do día seguinte da súa publicación no Diario Oficial de Galicia.
Santiago de Compostela, 18 de setembro de 1995.
Ángel Sicart Martínez
Director xeral do Patrimonio Histórico e Documental
6602