Intentada a notificación directa á empresa operadora Recreativos Príncipe 22, S.A. do acordo de apertura e do prego de cargos do expediente P-33/1994 e non
poder practicar esta, resolveu, ó amparo do previsto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, dispoñe-la publicación no Diario Oficial de Galicia do seguinte:
Expediente sancionador P-33/1994.
Interesado: empresa operadora Recreativos Príncipe 22, S.A.
Acordo apertura.
O director xeral de Xustiza e Interior, por delegación do conselleiro de Xustiza, Interior e Relacións Laborais, con data do 7 de outubro, adoptou o seguinte acordo:
1. Incoar expediente sancionador, conforme o establecido na Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar á empresa operadora Recreativos Príncipe, 22, S.A..
2. Nomear instructor e secretario do mesmo a José María Picallo Búa e a Clara Eugenia García Bermúdez, respectivamente.
3. Adoptar como medida provisional a confirmación do precinto de ámbalas dúas máquinas e proceder ó seu comiso
Así mesmo, con data do 12 de xaneiro de 1995,
ACORDA:
Nomear instructora e secretaria deste expediente sancionador con efectos a partir desta data a:
María Jesús Padín García, e Clara Eugenia García Bermúdez, respectivamente, deixando sen efecto os correspondentes nomeamentos anteriores.
Prego de cargos.
No expediente sancionador número GA-P-33/1994 do 7 de outubro de 1994 seguido contra a empresa operadora Recreativos Príncipe 22, S.A. á vista da acta de inspección de xogo desta comunidade formula o seguinte prego de cargos:
Existencia no establecemento denominado Ventosela, sito en Rúa Alfonso XII, do concello de Vigo, de dúas máquinas tipo «B». A máquina, modelo B-1738, serie TR2-1268, está en funcionamento no establecemento carecendo de toda documentación. A citada máquina, substituiu a outra modelo B-1743, serie 1-5598, que tivo en funcionamento ata o pasado día 16 de setembro de 1994, segundo manifestacións do propio titular do establecemento. A devandita máquina carece tamén de toda a documentación.
Feitos que puideran constituír infraccións moi graves ou graves das reguladas e previstas nos artigos 28 e 29 da lei 14/1985, reguladora dos xogos e apostas de Galicia, modificada pola Lei 7/1991, por presunta infracción dos seus artigos 3, 5, 6, 7, 19, 27 e seguintes da devandita lei e infracción do disposto no Decreto 374/1986, Decreto 32/1989, Decreto 247/1990, 520/1990, 221/1991 e 247/1991 e na disposición adicional terceira na Lei 7/1991.
O que se comunica de acordo co artigo 7 da Lei 34/1987, do 26 de decembro, de potestade sancionadora da Administración pública en materia de xogos de sorte, envite e azar; o interesado disporá dun prazo de oito días a partir do seguinte ó da publicación desta notificación, para que poida presentar prego de descargos, no que poderá solicita-lo recibimento a proba do expediente na forma determinada na alinea 2.b) do citado precepto legal.
Pontevedra, 5 de xuño de 1995
Antonio Coello Bufill
Delegado provincial de Pontevedra
956069