A Dirección Xerencia do Complexo Hospitalario Xeral-Cíes de Vigo, en virtude das atribucións que lle foron delegadas conforme o establecido no artigo 7 da orde da Consellería de Sanidade e Servicios Sociais do 15 de setembro de 1994 (DOG nº 191, do 3 de outubro), convoca o seguinte concurso:
Subministración: material soporte para arquivo de historias clínicas e a sua montaxe.
Orzamento: l23.700.000 ptas. IVE incluído.
Garantía provisional: 474.000 ptas.
Forma de adxudicación: concurso público, procedemento aberto e tramitación urxente.
Prazo de execución: a entrega da subministración e a instalación realizarase no prazo máximo de un mes, desde a notificación da adxudicación.
Clasificación: non se esixe.
Solvencia económica e financeira: acreditarase segundo dispón o artigo 16.1º a) e b) da Lei 13/1995, de contratos das administracións públicas.
Solvencia técnica: acreditarase conforme dispón o artigo 18 a), c) e d) da Lei 13/1995, de contratos das administracións públicas.
Criterios de adxudicación:
1. Prazo de execución: ata 3 puntos.
2. Calidade: ata 2,5 puntos.
3. Prezo: ata 2,5 puntos.
4. Características estéticas e funcionais: ata 1 punto.
5. Asistencia técnica (na instalación): ata 1 punto.
Documentación: o prego de cláusulas administrativas particulares, e demais documentación complementaria pódese solicitar no Servicio de Subministracións do Complexo Hospitalario Xeral-Cíes, rúa Pizarro, 22, 36204 Vigo, en días laborais desde as 9 ata as 14 horas ou ó teléfono (986) 81 60 23 e fax (986) 81 60 65.
Prazo de presentación de proposicións: as proposicións deberanse presentar en man, no rexistro xeral do Complexo Hospitalario Xeral-Cíes, antes das 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia, ou por correo na forma indicada no artigo 100 do Regulamento xeral de contratación do Estado.
Documentación que deben presenta-los licitadores: presentarán en sobre pechado e asinado polo licitador a solicitude para participar, así como a documentación persoal e referencias técnicas, descritas no PCAP.
Apertura de proposicións: a apertura das proposicións admitidas será realizada pola mesa de contratación, reunida en acto público, na sala de xuntas do Hospital Xeral as 10 horas do décimo primeiro día natural contado a partir do seguinte a aquel en que remate o prazo de presentación de ofertas. No caso de que concida en sábado ou festivo, a apertura das proposicións terá lugar no día hábil seguinte.
Anuncios: os anuncios do presente concurso público será por conta do adxudicatario do contrato.
Vigo, 14 de setembro de 1995.
Juan José Equiza Escudero
Director xerente do Complexo Hospitalario Xeral-Cíes de Vigo
95-06370