En cumprimento da legalidade vixente, anúnciase concurso público aberto para a contratación polo Instituto Galego de Promoción Económica (Igape) da subministración e instalación de equipos para os talleres dos Centros de Innovación e Servicios (CIS) en Ferrol.

1. Entidade contratante: Instituto Galego de Promoción Económica (IGAPE), r/ Frei Rosendo Salvado, 16 - baixo, 15701 Santiago de Compostela, telf: (981) 54 11 87, fax: (981) 59 04 67.

2. Modalidade de adxudicación: concurso público aberto.

3. Obxecto do contrato: subministración e instalación dos seguintes equipos nos Centros de Innovación e Servicios (CIS) en Ferrol:

Lote 1: equipamento do taller de tecnoloxías de unión (soldadura).

Lote 2: equipamento do taller de deseño.

4. Orzamento máximo de licitación: 15.500.000 ptas. (IVE incluído), distribuído entre os diferentes lotes como se detalla a continuación.

Lote 1: 7.000.000 de ptas.

Lote 2: 8.500.000 ptas.

5. Adxudicación: a adxudicación realizarase por lotes completos, podendo os licitadores presentar ofertas para ambos lotes ou para un só.

6. Documentación de interese para os licitadores: os pregos de claúsulas administrativas particulares e os de prescricións técnicas estarán de manifesto na sede do Instituto Galego de Promoción Económica, sita en r/ Frei Rosendo Salvado, 16 Santiago de Compostela (A Coruña), así como nas súas delegacións de Ferrol e Vigo durante o prazo de presentación de

proposicións os días e horas hábiles de oficina.

7. a) Data límite de recepción de ofertas: o prazo de admisión finalizará ás catorce horas do vixésimo sétimo día hábil seguinte ó da publicación do anuncio do concurso no Diario Oficial de Galicia. De coincidir en sábado o prazo entenderase prorrogado ata as 14 horas do seguinte día hábil.

b) Lugar de presentación de proposicións: no rexistro xeral do Instituto Galego de Promoción Económica, ou por correo dentro do prazo de admisión sinalado.

8. Apertura de proposicións: en acto público ás 12 horas o terceiro día hábil, que non coincida en sábado, seguinte á finalización do prazo de presentación de ofertas. No Instituto Galego de Promoción Económica, sito r/ Frei Rosendo Salvado, 16 Santiago de Compostela.

9. a) Fianza provisional: 2% do orzamento de licitación.

b) Fianza definitiva: 4% do orzamento de licitación.

10. Documentos que deben aporta-los licitadores: os indicados no prego de claúsulas administrativas particulares.

11. Medios de xustificación da solvencia ecónomica e financeira:

Declaración relativa á cifra de negocios global e das subministracións ou traballos realizados nos tres últimos exercicios.

12. Medios de xustificación da solvencia técnica do empresario:

-Relación das principais subministracións nos tres últimos anos, indicando importe, datas e destinatario.

-Descrición e medios técnicos da empresa e indicación das unidades técnicas implicadas no contrato.

-Descricións detalladas dos productos que se van subministrar.

13. Criterios de adjudicación: os establecidos no prego de claúsulas administrativas do concurso.

14. Outras informacións: os gastos dos anuncios serán por conta dos adxudicatarios.

Santiago de Compostela, 26 de setembro de 1995.

Jorge González Gurriarán

Director xeral do Instituto Galego de Promoción Económica (Igape)

95-6344