Por resolución da Dirección Xeral de Obras Públicas do 7 de novembro foi aprobado o proxecto das obras de Casetas no Barqueiro, e sometido a información pública por Resolución do 1 de marzo de 1995.
En acordo adoptado polo Consello da Xunta de Galicia do día 16 de xuño, declárase a utilidade pública e a urxente ocupación dos bens e dereitos afectados pola obra, a efectos de aplicación do procedemento que regula o artigo 52 da vixente Lei de expropiación forzosa, do 16 de decembro de 1954, e 55 e seguintes do seu regulamento.
Para tal efecto convócase ós propietarios e titulares dos bens e dereitos afectados que figuran na relación que se xunta, así como exposta no taboleiro de anuncios do Concello de Mañón, para que comparezan no lugar, día e hora que se detalla ó final desta reso
lución, co fin de proceder ó levantamento das actas previas á ocupación dos mesmos, que recollerán os datos necesarios para a valoración previa e oportuna taxación, sen prexuízo do traslado ó lugar dos predios afectados se se considerase oportuno.
Ó devandito acto deberán acudi-los titulares afectados, persoalmente ou ben representados por persoa debidamente autorizada para actuar no seu nome, achegando os documentos acreditativos da súa titularidade, podendo acompañarse, pola súa conta, se o estimasen oportuno, dos seus peritos e un notario.
Tendo en conta estes antecedentes e en cumprimento do establecido no artigo 17, parágrafo 2º da Lei de expropiación forzosa e no seu regulamento, ábrese información pública ata o momento do levantamento da acta previa á ocupación correspondente, a fin de que os interesados poidan formular por escrito perante este Grupo de Portos Coruña Norte da Xunta de Galicia, sito na Avda. Alférez Provisional, nº 1-1º, A Coruña, as alegacións que estimen pertinentes co obxecto de emendar posibles erros que se producisen ó relaciona-los bens afectados.
RELACIÓN
Lugar: concello de Mañón.
Día: 10 de outubro, ás 10 horas.
Ben afectado Propietario Superficie (m)
Predio nº 1 Cesareo Fondevila Paleo 10,00 Predio nº 2 Teresa Díaz Montero 20,00 Predio nº 3 Josefa Martínez Basanta 26,00 Predio nº 4 Rosa Meda Pereira 118,00 Predio nº 5 Margarita Real Castro 55,00 Predio nº 6 Antonio Pena Maragoto 45,00 Predio nº 7 Antonio Talín Teijeiro 130,00
A Coruña, 30 de agosto de 1995.
Manuel García Blanco
Enxeñeiro xefe do Grupo de Portos A Coruña Norte
9506050
