Para os efectos previdos no artigo 9 do Decreto 2617/1966 e no artigo 10 do Decreto 2619/1966, ámbolos dous do 20 de outubro, sométese a información pública a petición de autorización e declaración de utilidade pública da instalación eléctrica L.M.T. Arbo-A Cañiza, coas seguintes características especiais:

Peticionario: Unión Eléctrica-Fenosa, S.A.

Lugar no que se vai establece-la instalación: desde a L.M.T. Arbo-A Cañiza, con dous tramos: tramo I-de Arbo a Touzosa e tramo II-de Fonte a Bueixos-A Cañiza, concello de Arbo e A Cañiza.

Finalidade da instalación: mellora-la subministración eléctrica na zona.

Características principais: L.M.T., aérea, a 20 kV, de 9.838 m de lonxitude, conductor tipo LA-56, sobre apoios de formigón e metálicos o tramo I, e 748 m de lonxitude, con conductor tipo LA-110, sobre apoios de formigón o tramo II.

Orzamento: 31.869.059 ptas.

O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra este as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.

Pontevedra, 8 de agosto de 1995.

Ramón Álvarez Abad

Delegado provincial de Pontevedra

9505977