A Dirección-Xerencia do Complexo Hospitalario Cristal-Piñor de Ourense, en virtude das atribucións que lle foron delegadas conforme o establecido no artigo 7 da Orde de 15 de setembro de 1994 (DOG do 3 de outubro) da Consellería de Sanidade e Servicios Sociais, convoca o seguinte concurso público:
Subministración: aparellos para o tratamento da información (expediente C.P. 5/1995).
Os licitadores poderán concorrer a un, a varios ou a totalidade dos lotes nos que se divide o obxecto do contrato.
Orzamento de licitación á totalidade dos lotes: trece millóns novecentas setenta e cinco mil pesetas (13.975.000) IVE incluído.
Forma de adxudicación: procedemento aberto mediante concurso público, polo trámite de urxencia.
Prazo de execución: 30 días, contados a partir da data de notificación da adxudicación.
Documentación de interese para os licitadores: os pregos de cláusulas administrativas particulares e técnicas, e demáis documentación complementaria, poden ser solicitados no Servicio de Compras do Complexo Hospitalario Cristal-Piñor, r/ Ramón Puga, 52, (edificio administración, planta baixa), de Ourense, en días hábiles, das 9 ás 13 horas.
Fianza provisional: 2% do importe de licitación correspondente ó lote/s a que se concorra. Deberá ser depositada previamente á licitación nalgunha das formas que establece o artigo 36 da Lei 13/1995, de contratos das administracións públicas. No caso
de ser constituída mediante aval, será suficiente a inclusión da póliza de entidade financieira pola que se formalice o aval.
Fianza definitiva: será do 4% do orzamento de licitación correspondente ó lote/s dos que resulte adxudicatario.
Presentación de proposicións: deberán ser presentadas en man, en sobres pechados e asinados polo licitador ou persoa que o represente, no rexistro xeral deste complexo hospitalario, antes das 13 horas do décimo terceiro día natural contado desde o seguinte ó da publicación desta resolución no DOG, ou enviadas por correo dentro do prazo sinalado.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciar ó órgano de contratación a remisión da oferta mediante fax (988) 38 58 49 ou telegrama no mesmo día, de conformidade coa lexislación vixente.
Apertura de proposicións: terá lugar en acto público na sala de xuntas anexa á dirección-Xerencia do complexo hospitalario, ás 9 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo a apertura de proposicións terá lugar o día hábil seguinte.
Documentación que achegarán os licitadores: os documentos sinalados no prego de cláusulas administrativas particulares.
A solvencia técnica acreditarase cos seguintes medios:
a) Relación das principais subministracións efectuadas durante os tres últimos anos, indicándose o seu importe, datas e destino público ou privado, á que se incorporarán os correspondentes certificados sobre estas.
b) Descrición do equipo técnico, medidas empregadas polo subministrador para asegura-la calidade e os medios de estudio e investigación da empresa.
c) Indicación dos técnicos ou das unidades técnicas, integradas ou non na empresa, participantes no contrato, especialmente daqueles encargados do control de calidade.
d) Mostras, descricións e fotografías dos productos para subministrar.
e) Certificacións establecidas polos institutos ou servicios oficiais ou homologados encargados do control de calidades e que acrediten a conformidade de artigos ben identificados coa referencia e certas especificacións ou normas.
Anuncios: o pagamento dos anuncios do presente concurso público correrá por conta do adxudicatario do contrato.
Ourense, 30 de agosto de 1995.
Pedro A. Soler Bordoy
Director-xerente do Complexo Hospitalario
Cristal-Piñor de Ourense
