Visto o expediente instruído por instancia de Antonio Caldeiro Téllez, na súa calidade de representante da axencia de viaxes Club de Vacaciones, S.A., C.I.C. MA nº 2 de orde, do grupo maiorista, en solicitude do establecemento na r/ Compostela, nº 8-3º da Coruña, dunha sucursal da devandita axencia con sede central en Madrid, na r/ Pedro Muñoz Seca, nº 2.
Resultando que entre a documentación achegada coa referida solicitude existe unha copia do contrato de alugamento do local e unha copia do contrato de prestación de servicios entre a axencia e a persoa que exercerá o cargo de director, e copia da documentación acreditativa da dispoñibilidade do local.
Resultando que o director está legalmente capacitado para desempeña-lo dito cargo.
Resultando que da análise do expediente conclúese que Club de Vacaciones, S.A. dispón dunha fianza suficiente segundo o establecido no artigo 15 do Decreto 155/1989, do 22 de xuño.
Considerando que o Servicio de Inspección emitiu informe sobre o estado e equipamento do local e acreditando que reúne as condicións suficientes para poder exerce-la actividade de sucursal de axencia de viaxes.
Considerando que no trámite do expediente se cumpriron as formalidades de rigor e se xustificaron tódolos extremos que fixan o artigo 5, apartados b), c), d); e os artigos 10 e 15 do citado decreto.
Considerando os antecedentes expostos, disposicións legais invocadas e demais normas de aplicación.
Esta consellería resolve autorizarlle á axencia de viaxes Club de Vacaciones, S.A. con sede central en Madrid, na r/ Pedro Muñoz Seca, nº 2, o establecemento dunha sucursal na r/ Compostela, nº 8-3º da Coruña, quedando inscrita no Rexistro de Empresas e Actividades Turísticas da Comunidade Autónoma galega.
Contra esta resolución, o interesado poderá interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses a contar desde o día seguinte ó da súa publicación no Diario Oficial de Galicia.
Santiago de Compostela, 11 de xullo de 1995.
Dositeo Rodríguez Rodríguez
Conselleiro da Presidencia e Administración Pública
95-5705