Vistos os expedientes de prórroga e modificación de concertos educativos, incoados de oficio ou por instancia de parte, segundo o disposto no Regulamento de normas básicas sobre concertos educativos, aprobado polo Real decreto 2377/1985, do 18 de decembro, na súa disposición adicional primeira.2, modificada polo Real decreto 139/1989 do 10 de febreiro, e no seu artigo 46 e na Orde do 18 de xaneiro de 1993 pola que se dictan normas para a aplicación do réxime de concertos educativos a partir do curso 1993-1994 (DOG do 26).
Esta consellería,
DISPÓN:
Primeiro.-Aproba-la prórroga do concerto educativo por un ano ós centros que se relacionan no anexo I desta orde e para as unidades que no mesmo se
especifican.
Segundo.-Aproba-la modificación dos concertos educativos subscritos polos centros docentes privados que se relacionan no anexo II desta orde.
Terceiro.-De acordo co establecido nos artigos 109 e 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común, a presente resolución esgota a vía administrativa polo que contra esta poderá interporse recurso contencioso-administrativo perante o Tribunal Superior de Xustiza de Galicia no prazo de dous meses contados desde o día seguinte ó da súa publicación no Diario Oficial de Galicia.
Santiago de Compostela, 24 de maio de 1995.
Juan Piñeiro Permuy
Conselleiro de Educación e Ordenación Universitaria
5687