A Secretaría Xeral da Consellería de Agricultura, Gandería e Montes resolveu convoca-la seguinte licitación polo sistema de concurso aberto:

Obxecto: contratación da execución da obra Realización parque de natureza no parque natural Baixa Limia-Serra do Xurés (7522), de acordo cos proxectos e pregos aprobados para isto.

Orzamento de licitación: sete millóns novecentas noventa e oito mil trinta e sete pesetas (7.998.037 ptas.)

Prazo de execución: ata decembro de 1995.

Clasificación: non é necesaria.

Fianza provisional: exenta.

Fianza definitiva: trescentas dezanove mil novecentas vinteunha pesetas (319.921 ptas.)

Exposición do proxecto e pregos: o proxecto, así como o prego de cláusulas administrativas particulares, estarán á disposición dos licitadores para o seu exame durante o prazo de presentación de proposicións, os días e horas hábiles de oficina, na Dirección Xeral de Montes e de Medio Ambiente Natural da Consellería de Agricultura, Gandería e Montes (San Lázaro, s/n, Santiago de Compostela).

Modelo de proposición: a proposición económica formularase estrictamente conforme o modelo que figura no prego de cláusulas administrativas particulares.

Presentación e apertura de proposicións: as proposicións serán entregadas no rexistro xeral da Consellería de Agricultura, Gandería e Montes (San Caetano, Santiago de Compostela), ou en calquera das vías admitidas polo artigo 100 do Regulamento xeral de contratos do Estado, antes das 14 horas do día 29 de setembro de 1995.

A apertura de proposicións terá lugar o día 3 de outubro de 1995, ás 12 horas, nas oficinas da Secretaría Xeral da Consellería de Agricultura, Gandería e Montes (San Caetano, Santiago de Compostela).

Gastos de publicación: serán por conta dos adxudicatarios.

Santiago de Compostela, 23 de agosto de 1995.

Orde 13-12-1995

Antonio L. Rosón Pérez

Secretario xeral da Consellería de Agricultura,

Gandería e Montes

95-5108