A Dirección Xerencia do Hospital Comarcal Valdeorras, do Barco de Valdeorras (Ourense), en virtude das atribucións que lle foron delegadas conforme o establecido no artigo 7 da orde da Consellería de Sanidade e Servicios Sociais do 15 de setembro de 1994 (DOG nº 191, do 3 de outubro), convoca o seguinte concurso público, polo trámite de urxencia, de unha unidade de ecografía con imaxe doppler color.

-Obxecto e orzamento: a adquisición de unha unidade de ecografía con imaxe doppler color, por un orzamento de quince millóns de pesetas (15.000.000 de ptas.), incluído o IVE.

-Prazo de execución: os bens obxecto do presente concurso público deberanse de entregar no prazo de dous meses a partir da data de notificación de adxudicación.

-Documentos de interese para os licitadores: o prego de cláusulas administrativas particulares e demais documentación complementaria pódense solicitar no Servicio de Subministracións do Hospital Comarcal Valdeorras, rúa Conde Fenosa, 50, 32300 O Barco de Valdeorras (Ourense), en días laborables desde as 9 ata 14.30 no teléfono (988) 33 90 05 e fax (988) 33 90 37.

-Fianzas:

Fianza provisional: deberase consignar unha fianza provisional do 2% do orzamento de licitación.

Fianza definitiva: os licitadores que resulten adxudicatarios deberán presentar unha fianza do 4% do orzamento de licitación.

As devanditas fianzas constituiranse segundo o disposto na Lei de Contratos das Administracións Públicas.

-Presentación de proposicións: as proposicións deberanse presentar en man en sobres pechados e asinados polo licitador ou persoa que o represente, no rexistro do Hospital Comarcal Valdeorras antes das 14 horas do vixésimo sexto día hábil contado a partir do seguinte ó da publicación desta resolución

no Diario Oficial de Galicia, ou por correo na forma indicada na Lei de contratos das administracións públicas.

-Apertura de proposicións: a apertura das proposicións admitidas será realizada pola Mesa de Contratación, reunida en acto público na Sala de Xuntas do Hospital Comarcal Valdeorras, O Barco de Valdeorras (Ourense) ás 11 horas do décimo primeiro día natural contado a partir do seguinte a aquel no finalice o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.

-Documentación que deben presenta-los licitadores: os documentos que figuran no prego de cláusulas administrativas particulares.

-Anuncios: os anuncios do presente concurso público serán por conta dos adxudicatarios do contrato.

O Barco de Valdeorras, 26 de xullo de 1995.

Enrique I. Pérez Rivera

Director xerente do Hospital Comarcal Valdeorras

5649