En cumprimento do ordenado no artigo 52 da Lei de expropiación forzosa, en relación co nº 6 do artigo 31 do Regulamento da Lei 10/1966, do 18 de marzo,
sobre expropiación forzosa e sancións en materia de instalacións eléctricas, aprobado polo Decreto 2619/1966, do 20 de outubro, fáiselles saber, en resumo, a tódolos interesados afectados pola execución do proxecto de referencia, declarado de urxente ocupación polo Decreto 153/1995, do 18-5-1995 (DOG nº 105, do 2-6-1995) que os días e horas que abaixo se relacionan, o representante da Administración dará comezo ó levantamento sobre o terreo das actas previas á ocupación, correspondentes ós predios situados no concello de Poio, sinalados cos números que en folla adxunta se detallan.
Na respectiva notificación individual, que mediante cédula se lles practicará, os interesados serán avisados coa debida anticipación legal do día e hora en que para cada un terá lugar a dita dilixencia. Nos ditos actos poderán facerse acompañar dos seus peritos e dun notario, á súa custa, se así coiden conveniente.
A relación será fixada no taboleiro de anuncios do concello e nos desta delegación.
Liña Predios Data Hora Concello
Liñares 1A a 18 1-8-1995 11 Poio Liñares 19 a 32 2-8-1995 11 Poio Liñares 33 a 47 3-8-1995 11 Poio Liñares 48 a 69 4-8-1995 11 Poio
Vigo, 12 de xuño de 1995.
Ramón Álvarez Abad
Delegado provincial de Pontevedra
