En cumprimento do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente anuncio practícase a notificación de data 22-11-1994, de titular descoñecido ou con domicilio ignorado, segundo propuxo a empresa beneficiaria do procedemento ou por devolución do servicio de correos, e que literalmente di:
«Formulada por Unión Eléctrica-Fenosa, S.A., en concepto de entidade beneficiaria, solicitude para a declaración de urxente ocupación dos bens e dereitos afectados polas instalacións da liña eléctrica a 20 kV, sub. Cesuras a Curtis-Illana.
De acordo co establecido no artigo 31 do Regulamento da Lei 10/1966, do 18 de marzo, sobre expropiación forzosa e sancións en materia de instalacións eléctricas, aprobado por Decreto 26/1966, do 20 de outubro, notifícase que os predios que se relacionan están afectados na forma que se describe:
AFECCIÓN
En solo En voo
Nºde predio, lugar, titular e lindeiros nº poste nº ml m
26, A Coiña, Carmen Seoane Espiñeira 12 192 Norte: río Sur: resto do predio Leste: Carlos Seoane Sánchez Oeste: ignórase
A declaración de utilidade pública para estas instalacións foi outorgada por resolución de data 3 de decembro de 1993.
En consecuencia, sendo propostos Vdes. como titulares dos predios afectados, advírteselles que dentro do prazo de quince días hábiles contados a partir do seguinte ó desta notificación, poderán aportar por escrito, ante esta delegación, sita no edifico administrativo Monelos, s/n 15071, A Coruña, os datos oportunos para rectificar posibles erros na relación de predios, propietarios, bens e dereitos que se afectan, establecida pola entidade beneficiaria, así como fomula-las alegacións que estimen pertinentes por razón do disposto nos artigos 25 e 26 do Regulamento 2619/1966 citado.
Infórmase ós propietarios que a entidade beneficiaria facilitará por xestión directa nela ou por escrito que se reciba nesta delegación, os datos para identificación dos bens que se afectan; e que de outorgarse a declaración de urxente ocupación solicitada, seguirá o proceso nas súas fases de expropiación, determinación do prezo xusto, e pagamento da indemnización que acorde o Xurado Provincial de Expropiación, en cada caso».
De conformidade co artigo 5 da Lei de expropiación forzosa do 16 de decembro de 1954, dirixiranse ó Ministerio Fiscal as notificacións e dilixencias do proceso expropiatorio destes predios, de non comparecer no expediente os seus titulares.
A Coruña, 15 de maio de 1995.
Juan Ignacio Lizaur Otero
Delegado Povincial da Coruña
95-4035