A Escola Galega de Administración Pública, como centro oficial de docencia e investigación no campo da Administración pública ten entre os seus fins, a investigación, a documentación, o estudio e a realización de traballos de divulgación en materias de dereito público e ciencia da Administración, con especial referencia ás peculiaridades galegas, podendo concerta-la realización de actividades con outros centros ou entidades de titularidade pública ou privada.
Así pois, no marco do convenio de colaboración entre a Escola Galega de Administración Pública e a Universidade de Vigo, en uso das funcións atribuídas pola Lei 10/1989, do 10 de xullo, de modificación da anterior, convócase un curso de verán sobre Novas perspectivas do sistema autonómico que deberá desenvolverse segundo as seguintes,
BASES:
Primeira.-Obxectivos.
Analizar e debater sobre a evolución do sistema autonómico deseñado na Constitución de 1978 así como das súas perspectivas de futuro, suscitando a reflexión e intercambio de opinións ó respecto.
Segunda.-Destinatarios.
Estudiosos, profesionais e interesados en xeral, que desexen afondar na materia obxecto do curso.
Terceira.-Desenvolvemento.
-Lugar: Cambados, auditorio da Casa do Concello.
-Datas de celebración: 26 e 27 de xullo, en horario de mañá e tarde.
Cuarta.-Inscrición.
a) Prazo: ata o 18 de xullo.
b) Prezo: 10.000 ptas., cunha bonificación do 40% para funcionarios, estudiantes, doutorandos e persoas en paro, condición que deberá acreditarse suficientemente no momento da inscrición.
O aboamento efectuarase mediante cheque nominativo ou transferencia á conta corrente da EGAP da Caixa de Galicia na oficina de organismos de Santiago de Compostela, conta restrinxida nº 2091-03883110000520. O resgardo uniráselle á ficha de inscrición que figura ó final desta convocatoria, e que poderá presentarse no rexistro xeral da EGAP, no concellod e Cambados ou no da Delegación Provincial da Consellería da Presidencia e Administración Pública en Pontevedra.
Os dereitos de inscrición, unha vez ingresados, únicamente se lles reintegrarán ós interesados se estes, cunha antelación mínima de oito días respecto á data de inicio do curso, manifestan por escrito a súa renuncia a participar nel.
Quinta.-Contido.
1. Relatorios:
-As rexións en Europa.
-A reforma do Senado: unha perspectiva da súa composición.
-A Administración única.
-A conferencia de rexións.
-Sobre a especialización funcional do Senado.
2. Mesa redonda.
Sexta.-Certificados.
Expedirase certificado de asistencia dos participantes que acrediten unha asistencia de 85% das horas lectivas programadas.
Sétima.-Información.
Para máis información, os interesados poderán dirixirse a:
-Pontevedra: Delegación Provincial da Consellería da Presidencia e Administración Pública, r/ Benito Corbal, 47-1º, (986) 85 07 58.
-Santiago de Compostela, Escola Galega de Administración Pública, r/ de Madrid, 2-4, polígono das Fontiñas (57 08 00, Ext. 249/244).
-Cambados: oficinas municipais, Praza do Concello, 1, (986) 52 20 60 e 52 61 62.
Santiago de Compostela, 6 de xuño de 1995.
Xaime Rodríguez-Arana Muñoz
Director da Escola Galega de Administración Pública
95-4529