Co fin de cumpri-lo disposto no artigo 80.3º da Lei de procedemento administrativo, que para os efectos de notificación con carácter gratuíto contempla a Orde do 22 de xaneiro de 1976 (BOE nº 45, do 21 de febreiro), procédese a publicación no Diario Oficial de Galicia do seguinte texto:
O Ministro de Defensa, con data do 21 de abril de 1993, desafectou do fin público a que estaban destinados os terreos da propiedade denominada: polvoreira de Mougá, no concello de Ferrol (Doniños).
A denominada zona-3 corresponde ó proxecto da ampliación da dita polvoreira e foi expropiada no ano 1959 ós propietarios relacionados no anexo adxunto.
Para iso, en cumprimento da instrucción 25/1993, do 18 de marzo, sobre a tramitación do procedemento administrativo no ámbito do Ministerio de Defensa, ponse no coñecemento dos primitivos donos ou habentescausa que desapareceu a afectación ó fin público a que estaban destinados os terreos ocupados pola propiedade militar polvoreira de Mougá polo que, no prazo de un mes, contado a partir da publicación deste edicto, poderán exerce-los dereitos de reversión que lles outorgan os artigos 54 e 55 da Lei de expropiación forzosa, do 16 de decembro de 1954, en relación cos artigos 63 e seguinte do seu regulamento, aprobado por Decreto do 26 de abril de 1957
Para o exercicio destes dereitos, os interesados deberan formula-las oportunas alegacións perante a Xerencia de Infraestructura da Defensa, r/ Princesa 32, 28008 Madrid.
A Coruña, 20 de abril de 1995.
Ricardo Paz Canalejo
Tcol. delegado