Perante este xurado provincial tramítase expediente nº 290 de clasificación do monte que ten as características que se indican a continuación:
Denominación: monte Forgoselo.
Comunidade: lugares lindantes do monte.
Concellos: A Capela, San Sadurniño e As Pontes.
Superficie: 1.264,50 ha.
Lindeiros:
Parcela I: cunha superficie de 1.121,5 ha. Delas, 702 ha están incluídas no concello da Capela, 388 ha no de San Sadurniño e 31,5 ha no das Pontes.
Norte: lugares das parroquias de Narahío, Igrexafeita, A Capela e Goente. Leste: lugares da parroquia de Goente. Sur: lugares das parroquias de Goente, A Capela, Caaveiro, Narahío e de novo Caaveiro. Oeste: lugares das parroquias de Caaveiro e Narahío.
Parcela II: situada no sur da anterior e cunha superficie de 143 ha, das que 135 ha corresponden ó concello da Capela e 8 ha ó das Pontes.
Norte: lugares da parroquia da Capela. Leste: lugares das parroquias da Capela e Goente. Sur: lugares das parroquias de Goente e A Capela. Oeste: lugares da parroquia da Capela.
En virtude do acordado polo xurado, e en cumprimento da orde do instructor, de data 27 de marzo de 1995, conforme o disposto na Lei de montes veciñais en man común do 10 de outubro de 1989 e demáis disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no Art. 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesadas, poidan comparecer e intervir no expediente iniciado e formular perante o xurado, no prazo de un mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean asistilos en relación co monte, aportando, se é o caso, a documentación que coiden conveniente ó respecto.
A Coruña, 27 de marzo de 1995.
Manuel Puente Araújo
Secretario do Xurado Provincial de Montes Veciñais
en Man Común da Coruña