DOG 108 do 07/06/1995 - RESOLUCIÓN do 16 de marzo de 1995, da Delegación Provincial de Pontevedra, pola que se autoriza o establecemento da instalación eléctrica que se cita. (Expediente número 172/1994 A.T.).

III. OUTRAS DISPOSICIÓNS

CONSELLERÍA DE INDUSTRIA E COMERCIO

RESOLUCIÓN do 16 de marzo de 1995, da Delegación Provincial de Pontevedra, pola que se autoriza o establecemento da instalación eléctrica que se cita. (Expediente número 172/1994 A.T.).

Visto o expediente incoado nesta delegación provincial por instancia de Unión Eléctrica-Fenosa, S.A., con domicilio en Vigo no que solicita autorización para instalar cambio de tensión a 20 kV na zona alimentada polas liñas 5704 San Xurxo-Cerdedo e 5705 San Xurxo-Arcela, alimentadas pola Sub. San Xurxo, concello de Cotobade, e cumpridos os trámites de información pública que determina o artigo 9 do Decreto 2617/1966, do 20 de outubro, sen que se presentase oposición nin obxección ningunha á citada solicitude.

O delegado provincial, de conformidade co Decreto 1634/1980, artigo 14, e co 2617/1966, artigo 11, así como coas demais disposicións vixentes, resolveu,

Autorizar a Unión Eléctrica-Fenosa, S.A. a instalación de cambio de tensión a 20 kV na zona alimentada polas liñas 5704 San Xurxo-Cerdedo e 5705 San Xurxo-Arcela, alimentada pola Sub. San Xurxo, concello de Cotobade.

Esta autorización non supón a aprobación do proxecto.

Pontevedra, 16 de marzo de 1995.

Ramón Álvarez Abad

Delegado provincial de Pontevedra