Esta secretaría xeral, unha vez cumpridos os trámites administrativos correspondentes, resolve anunciar licitación para a contratación directa da seguinte obra:

-Obxecto do contrato: execución do pavimento no patio de xogos da gardería infantil do Ventorrillo (A Coruña).

-Orzamento de licitación: seis millóns setenta e catro mil oitocentas noventa e sete pesetas (6.074.897 ptas.).

-Prazo de execución: un mes.

O prego de cláusulas administrativas e o de prescricións técnicas estarán á disposición dos interesados no rexistro xeral da Consellería de Familia, Muller e Xuventude, San Cactano, Santiago de Compostela.

As proposicións presentaranse no devandito rexistro ou na forma que dispón o artigo 100 do Regulamento xeral de contratos do Estado, no prazo de dez (10) días naturais seguintes ó da publicación deste anuncio no Diario Oficial de Galicia.

A apertura das proposicións admitidas será realizada pola comisión de contratación o terceiro día hábil seguinte ó de remate do prazo de presentación das ofertas, sempre e cando este non coincida en

sábado, en que pasará ó primeiro día hábil seguinte, na sala de xuntas da consellería, ás 10 horas.

O presente anuncio será por conta do adxudicatario.

Santiago.de Compostela, 2 de maio de 1995.

Javier Batán Rodríguez

Secretario xeral da Consellería de Familia, Muller e Xuventude