Visto o expediente de recoñecemento de interese galego e inscrición no Rexistro de Fundacións de Interese Galego da fundación Formación e Emprego de Galicia.

Supostos de feito.

1. O 21 de xullo de 1993 solicitouse o recoñecemento de interese galego da fundación Formación e Emprego de Galicia, por medio do escrito presentado por Eusebio Justo Santos.

2. A fundación constituíuse en escritura pública outorgada en Santiago de Compostela o 16 de xullo de 1993 ante o notario Ildefonso Sánchez Mera, co número 3532 do seu protocolo, por Jesús Díaz Díaz, José Ramón Santomil González, José Eusebio Justo Santos, Javier Pose Calvelo, Margarita Valcarce Fernández e Eduardo Fernández Pérez.

3. A comisión integrada por tódolos los secretarios xerais elevoulle ó conselleiro da Presidencia e Administración Pública proposta de clasificación como formativo-ocupacional da fundación Formación e Emprego de Galicia, dado o seu obxecto, polo que, cumpridos os requisitos recollidos na Lei 7/1983, do 22 de xuño, modificada pola Lei 11/1991, do 8 de novembro, e segundo dispón o Regulamento de organización e funcionamento do protectorado das fundación de interese galego, aprobado polo Decreto 248/1992, do 18 de xuño, correspóndelle a execución das facultades inherentes a aquel á Consellería de Familia, Muller e Xuventude.

4. Á vista da proposta da Comisión de Secretarios Xerais, pola orde da Consellería da Presidencia e Administración Pública do 23 de agosto de 1993 (DOG do 20 de setembro), clasifícase como formativo-ocupacional a fundación Formación e Emprego de Galicia, tendo en conta o disposto no artigo 32.3º a) do Regulamento de organización e funcionamento do protectorado das fundacións de interese galego.

5. Segundo consta no artigo 5 dos seus estatutos son fins da fundación os seguintes:

a) Fomenta-lo estudio e a investigación en materia de formación profesional e social dos traballadores de Galicia.

b) Axudar á definición de necesidades de formación e cualificación dos traballadores galegos, en función das demandas sociais, o desenvolvemento rexional, tecnolóxico e económico.

c) Contribuír á mellora das condicións de traballo mediante a intervención na formación permanente dos traballadores galegos. Dedicaráselle especial atención á creación e mellora de emprego no ámbito da Comunidade Autónoma onde radica.

d) Participar nas modalidades e niveis que defina o seu padroado na impartición directa de actividades de formación básica e permanente.

e) Prestarlle atención prioritaria á formación de desempregados con necesidades especiais de reinserción no mercado de traballo tales como: mozos de primeiro emprego, mulleres que reingresan ó mercado de traballo e parados de longa duración.

f) Calquera outro fin que o padroado considere de interese.

6. A xunta do padroado da fundación, celebrada o día 20 de decembro de 1993, adoptou acordo de modifica-los artigos 4, 11, 18 e 21 dos seus estatutos coa maioría suficiente e facultar a José Eusebio Justo Santos, presidente do padroado, para elevar a públicos estes acordos, o que se levou a cabo en escritura pública outorgada o 28 de decembro de 1994, ante o notario José Juan Ecenarro e Anzorandía en substitución de Ildefonso Sánchez Mera e co número 6661 do seu protocolo.

7. Na escritura pública pola que se constitúe a fundación, nos estatutos e na demais documentación que figura no expediente constan, entre outros, os seguintes extremos:

Acreditación da personalidade dos fundadores, dotación inicial da fundación, estatutos, nos que consta o obxecto e a denominación, o goberno e o réxime de adopción de acordos.

O padroado da fundación está formado polos seguintes membros, que aceptaron os seus cargos:

Presidente: José Eusebio Justo Santos.

Secretario: Javier Pose Calvelo.

Tesoreiro: José Ramón Santomil González.

Vocais:

-Eduardo Fernández Pérez.

-Margarita Valcarce Fernández.

8. A Secretaría Xeral da Consellería de Familia, Muller e Xuventude solicitou informe da Asesoría Xurídica, conforme o disposto no artigo 32.3º a) do Regulamento de organización e funcionamento do protectorado das fundacións de interese galego, que aquela emitiu con data do 27 de xaneiro de 1995.

Vista a Constitución española de 1978, o Estatuto de autonomía de Galicia, a Lei 7/1983, do 22 de, xuño, de réxime das fundacións de interese galego, modificada pola Lei 11/1991, do 8 de novembro, o Decreto 248/1992, do 18 de xuño, polo que se aproba o Regulamento da organización e funcionamento do protectorado das fundacións de interese galego, o Decreto 287/1993, do 10 de decembro, polo que se establece a estructura orgánica da Xunta de Galicia, o Decreto 2/1994, do 13 de xaneiro, polo que se establece a estructura orgánica da Consellería de Familia, Muller e Xuventude, así como a normativa de desenvolvemento desta e a de xeral aplicación.

Fundamentos de dereito.

1. O artigo 34 da Constitución española recoñece o dereito de fundación para fins de interese xeral, de acordo coa lei. O artigo 27.26º do Estatuto de autonomía para Galicia, atribúelle a esta Comunidade Autónoma competencia exclusiva sobre o réxime das fundacións de interese galego.

2. Conforme o artigo 32.3º a) do Regulamento de organización e funcionamento do protectorado das fundacións de interese galego, así como co Decreto 2/1994, é competencia desta consellería a declaración de interese galego e a inscrición no Rexistro de Fundacións de Interese Galego da fundación Formación e Emprego de Galicia, dado o seu obxecto, coincidente coas competencias desenvolvidas pola Consellería de Familia, Muller e Xuventude, asumindo as funcións que en canto ó protectorado lle corresponden á Xunta de Galicia.

3. Ó abeiro do disposto no artigo 7.5º da Lei 7/1983, do 22 de xuño, á realización da finalidade fundacional débese destinar, cando menos, o oitenta por cento das rendas que obteña a fundación e dos outros ingresos que non formen parte da dotación da fundación.

4. A Lei 11/1991, do 8 de novembro, dálle nova redacción ó artigo 21.2º da Lei 7/1983, establecendo as obrigas relativas á aprobación dos orzamentos e presentación de contas, que deberán ser cumpridos pola fundación nos prazos establecidos.

5. Que á vista do exposto se poden entender substancialmente cumpridos os requisitos legais e regulamentarios para a declaración de interese galego e a súa inscrición no Rexistro de Fundacións, sección da Consellería de Familia, Muller e Xuventude segundo se desprende dos artigos: 5, 6, 7, 8, 11.1º e 18 da Lei 7/1983, en relación cos artigos: 2, 3, 4, 5 e 33 do Decreto 248/1992,

DISPOÑO:

Primeiro.-Recoñecer e declarar de interese galego a fundación Formación e Emprego de Galicia, de Santiago de Compostela.

Segundo.-Ordena-la súa inscrición no Rexistro de Fundaciones de Interese Galego, sección da Consellería de Familia, Muller e Xuventude.

Terceiro.-Aproba-los seus, estatutos e a formación do seu órgano de gobemo, do que tódolos membros aceptaron os seus cargos.

Cuarto.-A dita fundación queda sometida ó disposto no resto da normativa de xeral aplicación, en especial á obriga, de lles dar publicidade suficiente as súas actividades e á ausencia de ánimo de lucro na prestación dos seus servicios, quedando obrigada a render contas anualmente ó protectorado e a xustificar, a través dunha memoria anual, o cumprimento das cargas fundacionais, así como a presenta-lo proxecto de orzamento antes do derradeiro mes do exercicio económico anterior a aquel para o que se

formula, debendo solicita-las preceptivas autorizacións do protectorado cando sexan necesarias.

Santiago de Compostela, 11 de abril de 1995.

Manuela López Besteiro

Conselleira de Familia, Muller e Xuventude