Ó non ser elixido polo Concello de Mesía (A Coruña) xuíz de paz substituto da dita localidade, convócase para que, no prazo de 15 días computados a partir da publicación deste edicto no Diario Oficial

de Galicia, cantos teñan interese en aspirar ó cargo de xuíz de paz substituto de Mesía (A Coruña), manden unha instancia á Presidencia do Tribunal Superior de Xustiza de Galicia na Coruña, facendo consta-lo seguinte:

1. Nome, apelidos, idade, profesión e domicilio.

2. Se desempeñou o cargo de xuíz de paz ou substituto.

3. Méritos que estime que pode facer valer.

O que se fai público en cumprimento do acordo da Sala de Goberno do Tribunal Superior de Xustiza de Galicia, para coñecemento de cantos se interesen en solicita-la indicada praza.

A Coruña, tres de marzo de mil novecentos noventa e cinco.

Vicente Fernández Riera

Secretario da Sala de Goberno do Tribunal

Superior de Xustiza de Galicia