Esta secretaría xeral, unha vez cumpridos os trámites administrativos correspondentes, resolveu anuncia-lo concurso para a contratación directa da seguinte asistencia técnica:
Obxecto do contrato: asistencia técnica para a realización e desenvolvemento do programa Eurodisney-95.
Orzamento: 52.000 ptas./praza.
Prazo de execución: do 15 de xullo ó 24 de agosto.
O prego de cláusulas administrativas particulares e o de prescricións técnicas estarán a disposición dos interesados nas dependencias da Consellería de Familia, Muller e Xuventude, Dirección Xeral de Xuventude, edificios administrativos de San Caetano, s/n, bloque 3º, 1º piso, Santiago de Compostela, así como nas delegacións provinciais daquela.
As proposicións presentaranse segundo modelo oficial no rexistro xeral da Consellería de Familia, Muller e Xuventude ou no xeito en que dispón o artigo 100 do Regulamento xeral de contratos do
Estado, no prazo dos quince (15) días naturais seguintes ó da publicación deste anuncio no Diario Oficial de Galicia.
Santiago de Compostela, 10 de abril de 1995.
Javier Batán Rodríguez
Secretario xeral da Consellería de Familia, Muller
e Xuventude