O Pleno da Corporación, en sesión ordinaria do día vintetrés de febreiro de mil novecentos noventa e cinco, adoptou o seguinte acordo:
«Primeiro.-Prestar aprobación inicial á modificación do Plan Parcial do Parque Empresarial do Campiño, promovida e formulada por Xestur Pontevedra, S.A., co fin de adecua-lo parcelario á realidade física da urbanización do parque, mante-las porcentaxes de ocupación e determinar -a iniciativa desta Administración municipal- unha parcela con destino a equipamento público municipal.
Segundo.-Someter a información pública o expediente incoado e proxectos mencionados durante un
prazo de un mes, mediante a publicación de anuncios no taboleiro de edictos da Casa do Concello, un dos periódicos de maior circulación provincial, Boletín Oficial da provincia e Diario Oficial de Galicia -computándose o devandito período a partir desta última publicación- podendo calquera interesado examinar no concello a referida documentación e formula-las alegacións pertinentes.»
Durante o prazo de un mes, contado a partir da inserción deste anuncio no Diario Oficial de Galicia, calquera interesado poderá examina-lo procedemento inicialmente aprobado na Unidade de Fomento deste concello (rúa Dona Teresa) e formula-las alegacións que coide procedentes.
Pontevedra, 1 de marzo de 1995.
Francisco Javier Cobián Salgado
Alcalde