En virtude do acordado en autos de procedemento especial sumario do art. 131 da Lei hipotecaria número 741/1991-U, seguidos neste xulgado por instancia da entidade Banco Español de Crédito, S.A., representado polo procurador Lage Álvarez contra Gerardo Bello Francisco e María del Carmen Barcia Pino, sobre reclamación de certa cantidade, entre outros particulares consta o seguinte:
«Proposta de providencia.
Secretaria Vivero Ramil.
Na Coruña, vinteún de maio de mil novecentos noventa e tres.
Á vista do exposto en anterior acta de poxa, celebrada o día de hoxe, na que o procurador da parte demandante, Lage Álvarez, ofreceu como única oferta a cantidade de 2.038.000 ptas., inferior ó tipo da segunda poxa (7.300.000 ptas.), de conformidade co disposto na regra 12ª do artigo 131 da Lei hipotecaria, póñase a dita circunstancia en coñecemento dos donos do predio, Gerardo Bello Francisco e esposa, por se no prazo de nove días queren mellora-la dita oferta ou presentar a unha terceira persoa autorizada que o faga no seu nome, baixo o apercibimento de que, transcorrido o dito prazo sen que sexa mellorada a oferta referida, se adxudicará o remate.»
O anteriormente inserido coincide ben e fielmente co seu orixinal. Para que sirva de notificación ós debedores, Gerardo Bello Francisco e María del Carmen Barcia Pino, con domicilio descoñecido, e para a súa publicación no Diario Oficial de Galicia e no taboleiro de anuncios deste xulgado, expido e asino esta cédula na Coruña, trinta e un de xaneiro de mil novecentos noventa e cinco.
A secretaria
Rubricado