Visto o escrito da Asociación Provincial de Empresarios da Construcción da Coruña, ó que se xunta acta correspondente á reunión celebrada o día 3 de febreiro de 1995, pola comisión negociadora do convenio colectivo provincial da Construcción, publicado no Boletín Oficial da provincia número 187, do 17 de agosto de 1994, e na que consta o acordo sobre o calendario laboral para 1995, así como a aplicación da cláusula de garantía salarial establecida no artigo 7 do mencionado convenio, e de conformidade co disposto no artigo 90.2 da Lei 8/1980, do 10 de marzo, do Estatuto dos traballadores, e no artigo 2º do Real decreto 1.040/1981, do 22 de maio (BOE 6-6-81), sobre rexistro e depósito de convenios colectivos de traballo, esta delegación provincial, acorda:
Primeiro: ordena-la súa inscrición no Rexistro de Convenios desta delegación provincial, con notificación a comisión negociadora.
Segundo: dispoñe-lo seu depósito e custodia na Sección de Mediación, Arbitraxe e Conciliación (S.M.A.C.).
Terceiro: dispoñe-la súa publicidade no Diario Oficial de Galicia.
A Coruña, 10 de febreiro de 1995.
Fernando Rodríguez Corcoba
Delegado provincial da Coruña
Acta nº 1. Convenio colectivo da construcción, provincia da Coruña.
Asistentes:
Por APECCO
Antonio Arias Díez-Eimil
Benigno López Bueno
Silviano Pizarro Gómez
Antonio Fernández Chao (asesor)
Nicolás Vázquez Dequidt (secretario)
Por UGT
Ramón Calvo Romero
Jesús Calvo Romero
Por CC.00.
Luis del Camino Sánchez
Pola CIG
Domingo Besada Saavedra
Na cidade da Coruña o 3 de febreiro de 1995, sendo as 13 horas, reúnanse nos locais de APECCO, os señores arriba reseñados.
Aberta a sesión trátase sobre a elaboración do calendario laboral para 1995 e a aplicación da cláusula de garantía salarial recollida no artigo 7º do convenio colectivo da construcción de 1994.
Despois dun amplo cambio de impresións e de alegacións por ámbalas partes apróbase o calendario que se une como anexo, formando parte da presente acta.
Ámbalas partes acordan dar coñecemento desta tanto ás empresas como ós traballadores co fin de que se poña en efectividade inmediata.
En canto á aplicación da cláusula de garantía salarial e á vista do incremento do IPC en 1994, procede incrementa-las táboas salariais do 31-12-93 nun 0,8%, que se sumará ás vixentes durante o ano 1994, elaborándose a seguir as mesmas para a publicación correspondente e uníndoas como anexo á presente acta.
Así mesmo, facúltase a Nicolás Vázquez Dequidt, secretario, para a presentación do calendario e táboas reseñadas ante a Delegación de Traballo para efectos da súa homologación e posterior publicación no Boletín Oficial da provincia.
En proba de conformidade asínase a presente acta no lugar e data arriba indicados.