Ponse en coñecemento de tódolos interesados na concentración parcelaria da zona de Meilán (Riotorto-Lugo), declarada de utilidade pública e de urxente execución polo Real decreto 2.201/1982, do 24 de xullo, o seguinte:

Primeiro.-Con data do 1 de febreiro de 1995, o director xeral de Estructuras e Desenvolvemento Rural aprobou o acordo de concentración parcelaria da zona de Meilán (Riotorto-Lugo), logo de introducir no proxecto as modificacións oportunas á vista do resultado da enquisa deste último.

Segundo.-O acordo de concentración estará exposto ó público no concello de Riotorto, na Cámara Agraria local e na zona, durante trinta días hábiles, contados desde o seguinte día en que sexa publicado o último dos avisos que corresponde facer no Diario Oficial de Galicia, no Boletín Oficial da provincia, no diario de máis circulación da provincia, no lugar habitual da parroquia e no taboleiro de anuncios do concello.

Terceiro.-No prazo de trinta días cabe interpor recurso de alzada perante o conselleiro de Agricultura, Gandería e Montes; os recorrentes poderán presentalo na Xefatura do Servicio de Estructuras e Desenvolvemento Rural (Ronda da Muralla, 134-5º, Lugo), nas oficinas centrais da consellería (edificio San Caetano, Santiago de Compostela) ou en calquera das dependencias ás que fai referencia o artigo 38.4 da Lei de réxime xurídico das administracións públicas e do procedemento administrativo común, por si mesmo ou por representación, facéndose constar no escrito un domicilio dentro do termo municipal para efectos das notificacións que procedan.

Advírtese, ademais, que o acordo de concentración parcelaria só poderá ser impugnado en alzada se

se infrinxen as formalidades prescritas para a súa elaboración e publicación ou se non se axustase ás bases (artigos 36, 38, 40 e 41) da Lei de concentración parcelaria para Galicia do 14 de agosto de 1985.

Lugo, 8 de febreiro de 1995.

Fernando López Gutiérrez

Xefe do Servicio de Estructuras e Desenvolvemento

Rural de Lugo