Eu, Lorenzo Villalpando Lucas, secretario da Administración de xustiza, con destino no Xulgado de Primeira Instancia e Instrucción número catro de Santiago de Compostela, dou fe de que nos autos que se mencionarán se dictou a sentencia cun encabezado e parte dispositiva que din así:

«Sentencia. En Santiago de Compostela, dezanove de outubro de mil novecentos noventa e tres.

Vistos por Ramón Lojo Aller, maxistrado do Xulgado de Primeira Instancia e Instrucción número catro dos do partido, os presentes autos de xuízo verbal de faltas número 408/1993, seguidos por ameazas; é denunciante Benigno Liste Díaz, maior de idade; e aparece como parte denunciada Manuel Rey Blanco, maior de idade; figura igualmente como parte o ministerio fiscal.

Decido que debo absolver e absolvo libremente a Manuel Rey Blanco da falta inicialmente imputada sen que proceda facer declaración sobre a responsabilidade civil, e decláranse as custas de oficio.

Contra esta sentencia cabe recurso de apelación, que se interporá no prazo de cinco días desde a súa notificación, perante este xulgado para a Audiencia Provincial da Coruña.

Así, por esta miña sentencia, pronúncioo, mándoo e asínoo.»

Para que así conste e sirva de notificación en legal forma a Manuel Rey Blanco, o cal se encontra en paradoiro descoñecido, expido, selo e asino esta cédula en Santiago de Compostela, vintecinco de xaneiro de mil novecentos noventa e cinco.

O secretario

Rubricado