O Pleno do Concello de Santiago de Compostela, en sesión ordinaria do día 30 de decembro de 1994, acordou inicia-lo expediente de expropiación forzosa, con ocupación urxente, para amplia-lo ámbito do vertedoiro de Piñor-Figueiras.
En cumprimento do disposto no artigo 56 do Regulamento de expropiación forzosa, o concello expón ó público o referido proxecto de expropiación, co fin de que, no prazo dos quince días que seguen á publicación desta anuncio no Boletín Oficial da provincia, no Diario Oficial de Galicia e na prensa local, os interesados poidan formula-las alegacións que coiden oportunas.
O presente edicto servirá de notificación, nos termos do artigo 59 da Lei de réxime xurídico das administracións públicas e do procedemento administrativo común, a tódolos afectados que, por resultaren descoñecidos ou ignorándose o seu domicilio, non poidan ser citados persoalmente ó trámite de información pública.
Santiago de Compostela, 20 de xaneiro de 1995.
Pedro Antonio Fernández Fernández
P.D. Concelleiro-delegado de Urbanismo