Convocado pola Orde do 12 de setembro de 1994 (DOG do 7 de outubro) concurso de méritos para cubrir un posto de traballo no Centro de Recursos de Vimianzo, na provincia da Coruña, para funcionarios do corpo de mestres especialistas en educación especial, pedagoxía terapéutica, procede aproba-lo expediente e efectua-lo nomeamento oportuno.

Na súa virtude, esta consellería resolve:

1.-Queda aprobado o expediente instruído para a provisión de praza de funcionario do corpo de mestres para o Centro de Recursos de Vimianzo, convocada por Orde do 12 de setembro de 1994 (DOG do 7 de outubro).

2.-De conformidade coa proposta formulada pola comisión designada para o efecto, noméase o funcionario do corpo de mestres que se cita no anexo para o centro de recursos que tamén se indica.

3.-O profesor designado será nomeado en comisión de servicios ata o 31 de agosto de 1995 podendo renovarse o nomeamento, logo da avaliación do traballo desenvolvido, e axustarase ás funcións e demais requisitos que para tal fin dispón a orde do 23 de xaneiro de 1985 (DOG do 15 de febreiro), e a orde do 30 de maio de 1994 (DOG do 9 de agosto).

4.-Contra esta orde poderá interpoñerse recurso contencioso-administrativo nos prazos e forma establecidos na Lei reguladora da xurisdicción do contencioso-administrativo, logo de comunicación da súa interposición a esta consellería, tal e como esixe o artigo 110.3 da Lei 30/1992, do réxime xurídico das administracións públicas e do procedemento administrativo común.

Santiago de Compostela, 10 de xaneiro de 1994.

Juan Piñeiro Permuy

Conselleiro de Educación e Ordenación Universitaria

ANEXO

Rodriguez Lamela, Jesús María - C. de Recursos de Vimianzo.