O 2 de decembro de 1994, a Dirección Xeral da Función Pública recibe da Sala do Contencioso-Administrativo, sección primeira, do Tribunal Superior de Xustiza de Galicia, telegrama polo que se admite o recurso contencioso-administrativo nº 01/0002336/1994, interposto por Juan José Vázquez Cerreda contra resolución do director xeral da Función Pública, de data 1 de setembro de 1994 sobre recoñecemento de grao persoal correspondente ó nivel 26 de complemento de destino efectos 12-8.

En consecuencia, esta dirección xeral acordou nesta data, e de conformidade co disposto no artigo 64 da Lei do 27 de decembro de 1956, reguladora da xurisdicción contencioso-administrativa, modificada pola Lei 10/1992, do 30 de abril, a remisión do correspondente expediente administrativo á referida sala, o que se notifica para xeral coñecemento de tódalas persoas interesadas no procedemento e son emprazadas para que poidan comparecer como parte en autos na Sala do Contencioso-Administrativo do Tribunal Superior de Xustiza de Galicia no prazo de nove días.

Santiago de Compostela, 28 de decembro de 1994.

Joaquín López-Rúa Soler

Director xeral da Función Pública