Para os efectos previdos no artigo 9 do Decreto 2.617/1966, e no artigo 10 do Decreto 2.619/1966, ámbolos dous do 20 de outubro, sométese a información pública a petición de autorización e declaración de utilidade pública da instalación eléctrica coas seguintes características especiais:

Peticionario: Unión Fenosa.

Lugar no que se vai establece-la instalación: desde a subestación de Lourizán ata o apoio nº 77 da L.M.T. existente denominado Marín II, concello de Pontevedra.

Finalidade da instalación: mellora-la subministración eléctrica na zona.

Características principais: L.M.T. aérea, cunha lonxitude total de 1.800 m, dos cales 438 m serán en triple circuíto e 1.362 en circuíto sinxelo, con conductores LA-110 e apoios metálicos e de formigón.

Orzamento: 12.809.285 ptas.

O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, núm. 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.

Pontevedra, 13 de decembro de 1994.

Ramón Álvarez Abad

Delegado provincial de Pontevedra