Para os efectos previdos no artigo 9 do Decreto 2.617/1966, do 20 de outubro, sométese a información pública a petición de instalación dunha L.M.T., C.T. e R.B.T. que ten as seguintes características especiais:

Peticionario: Unión Fenosa.

Lugar no que se vai establece-la instalación: desde o apoio nº 5 anterior ó C.T. actual de Canelas ata o C.T. que se proxecta en Canelas, concello de Sanxenxo.

Finalidade da instalación: mellora-la subministración eléctrica na zona.

Características principais: L.M.T. aéreo-soterrada, de 148 m de lonxitude, sendo o tramo aéreo de 68 m con conductores LA-56 e o tramo soterrado de 80 m e conductor R.H.V. C.T. de 630 kVA, relación de transformación 20 kV-380-220 V. R.B.T. aérea, de 670 m de lonxitude, conductor tipo RZ e apoios de formigón.

Orzamento: 10.552.000 ptas.

O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.

Pontevedra, 1 de decembro de 1994.

Ramón Álvarez Abad

Delegado provincial de Pontevedra