Visto o expediente incoado nesta delegación provincial, por instancia de U.E. Fenosa, S.A., con domicilio en Ourense, Sáenz Díez, 95, en solicitude de autorización para instalar L.M.T., C.T. e R.B.T. Bairán, no concello de Pobra de Brollón, e cumpridos os trámites de información pública que determina co artigo 9 do Decreto 2.617/1966, do 20 de outubro, sen que se presentase oposición nin obxección ningunha á citada solicitude.

O delegado provincial, de conformidade co Decreto 1.634/1980, artigo 14, e co 2.617/1966, artigo 11, así como coas demais disposicións vixentes,

RESOLVEU:

Autorizar a U.E. Fenosa, S.A. a instalación de liña de media tensión, de 20 kV, conductor L.A-56, apoios de formigón, cunha lonxitude de 1.968 metros. Centro de transformación en Bairán, á intemperie, de 50 kVA, 20.000/380-220 V. Redes de baixa tensión, de 60 m de lonxitude e conductores RZ-25-95 mm Al.

Esta autorización non supón a aprobación do proxecto.

Lugo, 24 de novembro de 1994.

Jesús Bendaña Suárez

Delegado provincial de Lugo